இலங்கை: கிரிக்கெட் விளையாடிக் கொண்டிருந்த மாணவன் கீழே விழுந்து மரணம்

கொட்டகலை கேம்பிரிட்ஜ் பாடசாலையில் கிரிக்கெட் விளையாடிக்கொண்டிருந்த மாணவனொருவர், பிடியெடுக்க முற்பட்டபோது வழுக்கி விழுந்து பாடசாலை கட்டடத்தில் மோதியதில் தலைப்பகுதியில் காயம் ஏற்பட்டு, உயிரிழந்துள்ளார்.

மேற்படி கல்லூரியில் தரம் 13 இல் கல்வி பயிலும் தலவாக்கலை, கிரேட்வெஸ்டன் தோட்டத்தைச் சேர்ந்த 18 வயது சிவகுமார் நதீஸ் என்ற மாணவரே இவ்வாறு உயிரிழந்துள்ளார்.

பாடசாலை இடைவேளை நேரத்தில் சக மாணவர்களுடன் கிரிக்கெட் விளையாடிக் கொண்டிருந்துள்ளார். பிடி எடுப்பதற்காக ஓடிய குறித்த மாணவன், கால் தடுக்கி விழுந்துள்ளார்.

இதனையடுத்து அவரின் தலைப்பகுதி பாடசாலை கட்டடமொன்றின் சுவரில் மோதியுள்ளது. இதனால் அவரின் தலைப்பகுதியில் பலத்த காயம் ஏற்பட்டது.

இதனையடுத்து மாணவன், டிக்கோயா ஆரம்ப வைத்தியசாலையில் அனுமதிக்கப்பட்டுள்ளார். அங்கிருந்து கண்டி வைத்தியசாலைக்கு கொண்டு செல்லும் வழியில் உயிரிழந்துள்ளார்.

தொடர்புடைய செய்திகள்:

இலங்கையில் இளநீர் குடிக்கும் பராக் ஒபாமா: சமூக வலைதளங்களில் பரவும் புகைப்படங்கள் இந்திய வெளிவிவகார அமைச்சருடன் ஜனாதிபதி ரணில் சந்திப்பு கோட்டாபயவின் புத்தகம் மீது கவனம் செலுத்தியுள்ள ரஷ்யா யாழில் விவாகரத்து பெற்றுக்கொடுத்த சட்டத்தரணி கைது தோட்டத் தொழிலாளர் சம்பளம் அதிகரிப்பு வர்த்தமானி இரத்து சர்வதேச விசாரணைக்கு அலி சப்ரி தயாரா? ரெலோ சவால்