களுத்துறையில் மாணவி உயிரிழப்பு – சிக்கிய பிரதான சந்தேக நபர்

களுத்துறை பிரதேசத்தில் 16 வயதான பாடசாலை மாணவி ஒருவர் உயிரிழந்தார்.

இந்த சம்பவம் தொடர்பில் 29 வயதுடைய பிரதான சந்தேக நபர் இன்று காலை கைதுசெய்யப்பட்டுள்ளதாக பொலிஸார் தெரிவித்தனர்.

குறித்த சந்தேக நபர் காலியில் வைத்து கைதுசெய்யப்பட்டுள்ளதாக பொலிஸார் மேலும் தெரிவித்தனர். கைதுசெய்யப்பட்ட நபர் களுத்துறை, இசுரு உயன பகுதியைச் சேர்ந்தவர் ஆவார்.

மேலும் இந்த சம்பவம் கொலையா? அல்லது தற்கொலையா? என்பது இதுவரை உறுதிப்படுத்தப்படவில்லை எனவும் இது கொலையாக இருக்கலாம் என்ற சந்தேகத்தில் பொலிஸார் விசாரணைகளை மேற்கொண்டு வருகின்றனர்.

இதேவேளை, மர்மமான முறையில் உயிரிழந்த களுத்துறை பாடசாலை மாணவியின் உடல் உறுப்புகள் அரசாங்க பரிசோதகர்க்கு அனுப்பி வைக்கப்பட்டுள்ளதாக தேசிய சிறுவர் பாதுகாப்பு அதிகார சபையின் தலைவர் சிரேஷ்ட விரிவுரையாளர் உதயகுமார அமரசிங்க தெரிவித்துள்ளார்.

மேலும், உயிரிழந்த சிறுமி பாலியல் வன்கொடுமைக்குள்ளாக்கப்பட்டதற்கான ஆதாரங்கள் இருப்பதாகவும் அவர் தெரிவித்துள்ளார்.