நாடு முழுவதும் வடகிழக்கு பருவமழை படிப்படியாக வலுவடைந்து வருவதாக வளிமண்டலவியல் திணைக்களம் இன்று பிற்பகல் வெளியிட்ட வானிலை அறிக்கையில் தெரிவித்துள்ளது. அந்த வகையில், நாளை (8) வடக்கு, வடமத்திய, கிழக்கு மற்றும் ஊவா மாகாணங்களில் அவ்வப்போது மழை பெய்யும். மட்டக்களப்பு மாவட்டத்தின் சில பகுதிகளில் 75 மில்லிமீட்டர் வரை ஓரளவு பலத்த மழை பெய்யக்கூடும். நாட்டின் பல இடங்களில் பிற்பகல் 1 மணிக்குப் பின்னர் மழை அல்லது இடியுடன் கூடிய மழை பெய்யக்கூடிய சாத்தியம் அதிகமாக உள்ளது. […]

டித்வா புயலினால் இலங்கையில் உயிரிழந்தவர்களின் எண்ணிக்கை 627 ஆக அதிகரித்துள்ளதாக அனர்த்த முகாமைத்துவ நிலையம் தெரிவித்துள்ளது. மேலும், 190 பேர் காணாமல் போயுள்ளதாகவும் தெரிவிக்கப்பட்டுள்ளது. அனர்த்த முகாமைத்துவ மத்திய நிலையம் இன்று (7) மதியம் வெளியிட்ட அறிக்கையில் இவ்விடயம் குறிப்பிடப்பட்டுள்ளது. அனர்த்தங்களால் கண்டி மாவட்டத்திலேயே அதிகளவான மரணங்கள் பதிவாகியுள்ளன. கண்டி மாவட்டத்தில் மாத்திரம் 232 மரணங்கள் பதிவாகியுள்ளதாகவும் குறிப்பிடப்பட்டுள்ளது.

மாலபே காவல் நிலையத்திற்குள் துப்பாக்கி ஒன்று தற்செயலாக வெடித்ததில் பொலிஸ் சார்ஜன்ட் ஒருவர் காயமடைந்துள்ளார். இன்று காலை துப்பாக்கியை பரிசோதித்துக்கொண்டிருந்தபோது தவறுதலாக வெடித்ததாக காவல்துறை அதிகாரிகள் தெரிவித்துள்ளனர். பொலிஸ் சார்ஜனுக்கு தலையில் காயம் ஏற்பட்ட நிலையில் சிகிச்சைக்காக கொழும்பு தேசிய மருத்துவமனையில் அனுமதிக்கப்பட்டுள்ளதாக தெரிவிக்கப்படுகிறது. காயமடைந்த அதிகாரியின் நிலை மோசமாக இல்லை என்று மருத்துவமனை செய்தித் தொடர்பாளர் ஒருவர் தெரிவித்தார். சம்பவம் குறித்து மாலபே காவல்துறயைினர் மேலதிக விசாரணைகளை தொடங்கியுள்ளனர்.

வெளிநாட்டில் உற்பத்தி செய்யப்பட்ட சிகரெட்டுகளுடன் இன்று காலை கட்டுநாயக்கா பண்டாரநாயக்கா சர்வதேச விமான நிலையத்தில் வைத்து ஒருவர் கைது செய்யப்பட்டுள்ளார். குறித்த சிகரெட்டுக்களை நாட்டிற்குள் கடத்த முயன்றபோது பொலிஸ் போதைப்பொருள் தடுப்புப் பணியக அதிகாரிகளால் அவர் கைது செய்யப்பட்டுள்ளதாக தெரிவிக்கப்படுகிறது. கைது செய்யப்பட்ட நபர் கொழும்பு, வெல்லம்பிட்டியவில் வசிக்கும் 48 வயதுடைய ஓட்டுநர் என அடையாளம் காணப்பட்டுள்ளார். துபாயிலிருந்து  FlyDubai FZ 569 என்ற விமானத்தில்  கட்டுநாயக்க விமான நிலையத்திற்கு வந்தடைந்த குறித்த நபர் 28,000 வெளிநாட்டு […]

ரந்தம்பே முதல் மஹியங்கனை வரை செல்லும் 132 கிலோவோல்ட் மின் பரிமாற்றக் கட்டமைப்பு தற்போது சீர்செய்யப்பட்டுள்ளது. நேற்று மாலை 5.30 மணியளவில் இக்கட்டமைப்பை வழமைக்கு கொண்டுவர முடிந்ததாக இலங்கை மின்சார சபை தெரிவித்துள்ளது. இதனையடுத்து மஹியங்கனை மற்றும் கிழக்கு மாகாணத்தின் மட்டக்களப்பு, அம்பாறை ஆகிய மாவட்டங்களுக்கு உட்பட்ட பகுதிகளுக்கும் மீண்டும் மின்சாரம் வழங்கப்பட்டுள்ளதாகத் தெரிவிக்கப்படுகிறது. சீரற்ற காலநிலையால் குறித்த மின் பரிமாற்றக் கட்டமைப்பு மற்றும் மின்வடங்களில் ஏற்பட்ட சேதங்கள் காரணமாக பல பகுதிகளில் கடந்த சில நாட்களாக […]

கேகாலை மாவட்டத்தில் உள்ள ருவன்வெல்ல, ரத்தகல மற்றும் ஹட்டனில் உள்ள ரோசெல்ல மாணிக்கவத்த காலனியில் வசிக்கும் பல குடும்பங்கள் மண்சரிவு அபாயம் காரணமாக பாதுகாப்பான இடங்களுக்கு வெளியேற்றப்பட்டுள்ளனர். அதன்படி, ருவன்வெல்ல, ரத்தகல பகுதியில் உள்ள 11 குடும்பங்கள் ரத்தகல ஆரம்பப் பாடசாலைகளுக்கு மாற்றப்பட்டுள்ளன. இதேபோல், ரொசெல்ல மாணிக்கவத்த காலனியில் உள்ள 13 குடும்பங்களைச் சேர்ந்த 50 பேர் வெலிஓயா தமிழ் மகா வித்தியாலயத்திற்கு மாற்றப்பட்டுள்ளனர்.