திருகோணமலை நெல்சன் சினிமா திரையரங்கிற்கு அருகில் அரச மரத்தில் தொங்கவிடப்பட்டிருந்த பௌத்த கொடிகளை அகற்றியதுடன் தொல்பொருள் திணைக்களத்துக்கு சொந்தமான பகுதிக்குள் உள் நுழைந்த குற்றச்சாட்டின் பேரில் சந்தேக நபரொருவர் கைது செய்யப்பட்டுள்ளார். இச்சம்பவம் இன்று பிற்பகல் இடம் பெற்றுள்ளது. இவ்வாறு கைது செய்யப்பட்டவர் உப்புவெளி-ஆனந்தபுரி முதலாவது ஒழுங்கையில் வசித்து வரும் (45 வயது) உடையவர் எனவும் தெரியவந்துள்ளது. சம்பவம் குறித்து தெரிய வருவது திருகோணமலை நகர் பகுதியில் கடந்த சில மாதங்களுக்கு முன்னர் நெல்சன் சினிமா திரையரங்குக்கு […]

பிரித்தானியாவில்  பொய்யான காரணங்களைக்கூறி, சட்டவிரோதமாக குடியேற முயற்சிப்பவர்களுக்கு உதவும் சட்டத்தரணிகளுக்கு எதிராக சட்டநடவடிக்கை எடுக்கப்படும் என அறிவிக்கப்பட்டுள்ளது. இது குறித்து கருத்து வெளியிட்டுள்ள அந்நாட்டின் உள்துறை அமைச்சர் சூயெல்லா பிரேவர்மேன், இதற்கான செயலணி ஒன்றையும் பிரித்தானிய அரசு அறிவித்துள்ளதாகவும் கூறியுள்ளார். பல்லாயிரக்கணக்கான ஸ்ரேலிங் பவுண்ட்ஸ் பணத்துக்காக, பொய்யான காரணங்களைக் கூறி, புகலிடக் கோரிக்கை விண்ணப்பங்களை சமர்ப்பிப்பதற்கு முன்வந்த சட்டத்தரணிகள் பலரை, பொருளாதார அகதி போன்று நடித்த பிரித்தானிய ஊடகவியலாளர் ஒருவர் அண்மையில் அம்பலப்படுத்தினார். இதனையடுத்தே குறித்த நடவடிக்கை […]

நாரம்மல பிரதேசத்தில் உள்ள பாடசாலை ஒன்றில் விசம் கலந்த நீரை அருந்திய 6 மாணவர்கள் வைத்தியசாலையில் அனுமதிக்கப்பட்டுள்ளனர்.என தெரிவிக்கப்படுகின்றது. இந்த சம்பவம் இன்று பதிவாகியுள்ளது குறித்த பாடசாலையில் 10ம் வகுப்பு படிக்கும் மாணவி, அதே தரத்தில் படிக்கும் சக மாணவர்களுடன் இருந்த முன்விரோதம் காரணமாக மாணவிகளின் தண்ணீர் போத்தல்களில் விசத்தை கலந்துள்ளதாக தெரிவிக்கப்படுகிறது.. மேலும், சம்பவத்துடன் தொடர்புடைய சிறுமியும் வைத்தியசாலையில் அனுமதிக்கப்பட்டுள்ளதாக நாரம்மல பொலிஸ் திணைக்களம் தெரிவித்துள்ளது. சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.

நாட்டின் ஒவ்வொரு மாவட்டத்திலும் ஒவ்வொரு நோய்க்கும் விசேட வைத்தியர்கள் இருப்பின் தேசிய வைத்தியசாலைகள் மற்றும் ஏனைய பிரதான வைத்தியசாலைகளில் நிலவும் நெரிசலை நீக்க முடியும் என கணக்காய்வு அறிக்கை தெரிவிக்கின்றது. அத்துடன், பொது சுகாதார அவசர நிலை மற்றும் அனர்த்த இடர் முகாமைத்துவத்திற்கு தேவையான மனித வளம் இந்த நாட்டில் மிகவும் குறைந்த மட்டத்திலேயே இருப்பதாகவும் அந்த அறிக்கையில் சுட்டிக்காட்டப்பட்டுள்ளது. நாட்டின் சுகாதாரப் பாதுகாப்பு அமைப்பு மற்றும் பேரிடர் மேலாண்மை அமைப்பு குறித்து தேசிய கணக்காய்வு  தணிக்கை […]

பொதுப் போக்குவரத்து நோக்கங்களுக்காகப் பயன்படுத்தப்படும் பேருந்துகள், லொறிகள், பாரவூர்திகள் மற்றும் பவுசர்கள் இறக்குமதிக்கு விதிக்கப்பட்டிருந்த கட்டுப்பாடுகளை தளர்த்துவதற்கு நடவடிக்கை எடுக்கப்பட்டுள்ளது. இந்நிலையில் தற்போது இது குறித்த வர்த்தமானி அறிவித்தல் வெளியாகியுள்ளது. நிதியமைச்சு குறித்த வர்த்தமானி அறிவித்தலை வெளியிட்டுள்ளது.