காஸா வட்டாரத்தில் இஸ்ரேலியத் துருப்புகள், இஸ்ரேலியத் துருப்புகள், அதிரடிச் சோதனைகளைத் தொடங்கியுள்ளன. அங்குள்ள பயங்கரவாதிகளையும் ஆயுதங்களையும் ஒழிக்கவுள்ளதாக இஸ்ரேலிய இராணுவம் தெரிவித்துள்ளது. பிணை பிடிக்கப்பட்டோரைக் கண்டுபிடிக்கத் தேவையான தடயங்களைத் தனது துருப்பினர் சேகரித்துள்ளதாகத் தற்காப்புப் படை குறிப்பிட்டது. ஹமாஸ் இயக்கத்தவரால், இஸ்ரேலியர்களும் வெளிநாட்டவருமாகச் சுமார் 150 பேர் பிணை பிடிக்கப்பட்டிருப்பதாக மதிப்பிடப்படுகிறது. இந்நிலையில், ஆயிரக்கணக்கான பாலஸ்தீனர்கள் காஸா வட்டாரத்தின் தென் பகுதிக்கு இடம் பெயர்ந்துள்ளனர்.

பாலஸ்தீனத்தின் காசாவுக்குள் தரைவழியாக நுழைந்து தாக்குதல் நடத்த இஸ்ரேல் ராணுவம் தயாராகி வருவதனால் பதற்றமான சூழல் ஒன்று ஏற்பட்டுள்ளது. இதன்காரணமாக காசாவின் வடக்கு பகுதியில் வசிக்கும் 11 லட்சம் மக்கள் 24 மணி நேரத்தில் வெளியேற வேண்டும் என்றுஇஸ்ரேல் ராணுவம் கெடு விடுத்துள்ளது. 1,200-க்கும் மேற்பட்ட தீவிரவாதிகள் தரை, வான்,கடல் வழியாக இஸ்ரேலின் தென் பகுதியில் நுழைந்து கொடூர தாக்குதல் நடத்தினர். இத்தாக்குதலில் இதுவரை 1,300 இஸ்ரேலியர்கள் உயிரிழந்துள்ளனர். 3,300-க்கும் மேற்பட்டோர் படுகாயம் அடைந்துள்ளனர். ஏராளமான இஸ்ரேலியர்களை, […]