இன்று (16) பிற்பகல் புகையிரதம் தடம் புரண்டதன் காரணமாக மலையகப் பாதையின் ரயில் சேவைகள் தடைப்பட்டுள்ளதாக ரயில்வே திணைக்களம் தெரிவித்துள்ளது. பதுளையிலிருந்து கொழும்பு நோக்கி பயணித்த கடுகதி தொடருந்தொன்று இன்று மதியம் 12.15 அளவில் ஹப்புத்தளை மற்றும் தியத்தலாவை தொடருந்து நிலையங்களுக்கு இடையில் தடம்புரண்டுள்ளது. இந்நிலையில்  ஹப்புத்தளை மற்றும் தியத்தலாவ புகையிரத நிலையங்களுக்கு இடையில் ரயில் தடம் புரண்டுள்ளதாக திணைக்களம் தெரிவித்துள்ளது.

2028 அல்லது 2030ஆம் ஆண்டுக்குள் ஓய்வூதியம் வழங்குவதில் நிதி நெருக்கடியை சந்திக்க நேரிடும் என ஓய்வூதியத் திணைக்களம் தெரிவித்துள்ளது. எதிர்க்கட்சித் தலைவர்  சஜித் பிரேமதாச தலைமையில் ஓய்வூதியத் திணைக்கள அதிகாரிகளுடன் நடைபெற்ற குழுக் கூட்டத்தின்போது ஓய்வூதிய கொடுப்பனவுகளை வழங்குவதில் நிதி நெருக்கடி ஏற்படுமா என கேள்வி எழுப்பப்பட்ட நிலையில், மேற்படி பதில் வழங்கப்பட்டுள்ளது.

அனுராதபுரம் போதனா வைத்தியசாலையின் நரம்பியல் சத்திரசிகிச்சை பிரிவு நோயாளியின் மூளையிலுள்ள கட்டியை அகற்றும் நடவடிக்கை மயக்க மருந்து இன்றி நோயாளி விழித்திருந்த போது வெற்றிகரமாகச் செய்து முடிக்கப்பட்டுள்ளது. இலங்கையில் உள்ள பொதுத்துறை வைத்தியசாலை ஒன்றில் முதன்முறையாக இவ்வாறான சத்திரசிகிச்சை மேற்கொள்ளப்பட்டுள்ளதாக தெரிவிக்கப்படுகின்றது. அனுராதபுரம் நொச்சியாகம பிரதேசத்தில் வசிக்கும் 36 வயதுடைய சிற்பி ஒருவரே இந்த அறுவை சிகிச்சைக்கு உட்படுத்தப்பட்டுள்ளார். அவரது இடது மூளையின் முன்புறம், உடலின் வலது பாதியின் செயல்பாடுகளை கட்டுப்படுத்தும் பகுதிக்கு அருகில் உள்ள கட்டியை […]