26 மாணவர்கள் வைத்தியசாலையில் அனுமதி!

வென்னப்புவ – மார்ட்டின் வனக்கல்லூரியின் அதிபர் உட்பட 26 பேர் குளவி கொட்டுக்கு இலக்காகி இன்று (02.10) வைத்தியசாலையில் அனுமதிக்கப்பட்டுள்ளனர்.

காயமடைந்த அனைவரும் லுனுவில பிரதேச வைத்தியசாலையில் அனுமதிக்கப்பட்டுள்ளதாகவும், காயமடைந்தவர்களில் அதிபர், 4 ஆசிரியர்கள் மற்றும் 21 குழந்தைகள் உள்ளடங்குவதாக தெரிவிக்கப்பட்டுள்ளது.

மேலதிக சிகிச்சைக்காக அதிபர், இரண்டு ஆசிரியர்கள் மற்றும் நான்கு பிள்ளைகள் மாரவில ஆரம்ப வைத்தியசாலைக்கு மாற்றப்பட்டுள்ளனர்.

பள்ளிக்கு அருகில் உள்ள தோட்டத்தில் குளவி கூடு திடீரென கிளறி குளவி தாக்கியதாக தெரியவந்துள்ளது.