மெக்சிகோவில் பாரிய அனர்த்தம் – 16 வாகனங்கள் ஒன்றோடொன்று மோதி விபத்து.. பலர் பலி

மெக்சிகோவில் 10க்கும் மேற்பட்ட வாகனங்கள் ஒன்றோடொன்று மோதி விபத்துக்குள்ளாகி பாரிய அனர்த்தம் ஏற்பட்டுள்ளது.

இந்த சம்பவத்தில் 5 பேர் உயிரிழந்த நிலையில் 14 பேர் படுகாயமடைந்தனர்.

ஜலிஸ்கோ மாகாணத்தில் உள்ள டெபாடிட்லான் நகருக்கு அருகில் நேற்று இந்த சம்பவம் இடம்பெற்றுள்ளது.

ஆறு வேன்கள், நான்கு கார்கள், நான்கு ட்ராக்டர்கள் உட்பட 16 வாகனங்கள் ஒன்றோடொன்று மோதி தீப்பற்றியுள்ளதாக தெரியவந்துள்ளது.

இந்த விபத்தில் சிக்கி 5 பேர் உயிரிழந்த நிலையில், படுகாயமடைந்தவர்கள் சிகிச்சைக்காக மருத்துவமனையில் அனுமதிக்கப்பட்டனர். விபத்து எவ்வாறு நேர்ந்தது என பொலிஸார் விசாரணை நடத்தி வருகின்றனர்.