ஆட்டம் காணும் இலங்கை ரூபா: எகிறும் டொலர் பெறுமதி!

அமெரிக்க டொலரின் விற்பனைப் பெறுமதி 354 ரூபாவைத் தாண்டியுள்ளது.

இலங்கை மத்திய வங்கி இன்று வெளியிட்டுள்ள நாணய மாற்று விகித அறிக்கையில் இவ்விடயம் குறிப்பிடப்பட்டுள்ளது.

இலங்கை ரூபாவின் மதிப்பு கடந்த சில நாட்களாக மோசமான வீழ்ச்சியைச் சந்தித்து வருகின்றது.

இதனால் பொருளாதார நெருக்கடி ஏற்படக்கூடும் என எதிரணிகள் எச்சரிக்கை விடுத்துள்ளன.

இந்நிலையில் இன்று அமெரிக்க டொலரின் விற்பனைப் பெறுமதி 354.03 ரூபாவாகவும், கொள்வனவு விலை 342.63 ரூபாவாகவும் உள்ளதாக மத்திய வங்கி தெரிவித்துள்ளது.

மத்திய வங்கி நேற்று வெளியிட்ட அறிக்கையில் அமெரிக்க டொலரின் விற்பனை விலை 342.70 ரூபாவாகவும், கொள்விலை 332.23 ரூபாவாகவும் நிர்ணயிக்கப்பட்டிருந்தது.