“என்னை ஈரானின் உச்சத்தலைவராக்கப் பார்த்தார்கள்!” – ட்ரம்ப் அதிரடி

ஈரானின் தலைமை என்னை நாட்டின் அடுத்த உச்சத் தலைவராக நியமிப்பதற்கு முறைசாரா முறையில் முன்வந்தது, ஆனால் நான் அதை நிராகரித்துவிட்டேன் என்று அமெரிக்க ஜனாதிபதி டொனால்ட் டிரம்ப் கிண்டலாகக் கூறியுள்ளார்.

குடியரசுக் கட்சியின் நிகழ்ச்சி ஒன்றில் பேசிய டிரம்ப், ஈரான் எந்தப் பேச்சுவார்த்தையையும் வன்மையாக மறுத்திருந்தபோதிலும், ஈரானுடன் பேச்சுவார்த்தைகள் நடைபெற்று வருவதை மீண்டும் வலியுறுத்தினார்.

தொடர்ந்தும் பேசிய டிரம்ப், ஈரானியத் தலைமை என்னை உச்சத் தலைவராக்க விரும்பியது, ஆனால் நான் மறுத்துவிட்டேன் என்று கூறினார்.

வேறு எந்த நாட்டின் தலைவராக இருப்பதை விடவும் ஈரானின் தலைவராக இருப்பதை நான் அதிகம் வெறுக்கிறேன் என்று அவர் கூறியுள்ளார்.

உங்களை அடுத்த உச்சத் தலைவராக்க விரும்புவதாக அவர்கள் கூறுகிறார்கள். நான், “வேண்டாம், அது எனக்கு வேண்டாம்.. நன்றி” என்று கூறிவிட்டேன்.

இந்த நிகழ்வில், மத்திய கிழக்கில் அமெரிக்காவின் வெற்றி குறித்த தனது கூற்றை டிரம்ப் மீண்டும் வலியுறுத்தியதோடு, திரைமறைவுப் பேச்சுவார்த்தைகள் நடைபெற்று வருவதாகவும் கூறியுள்ளார்.

ஈரான் போர் நிறுத்தத்தை விரும்பினாலும், தன் மக்களுக்கு அஞ்சி வெளிப்படையாகப் பேசவில்லை என்றும் குறிப்பிட்டார்

முன்னெப்போதும் கண்டிராத மாபெரும் வெற்றியை நாம் அடைந்து வருகிறோம் என்றும் டிரம்ப் தெரிவித்துள்ளார்.

ஈரான் பேச்சுவார்த்தை நடத்தி ஒரு ஒப்பந்தம் செய்ய விரும்புகிறது, ஆனால் அவர்கள் தங்கள் சொந்த மக்களாலும் எங்களாலும் அச்சுறுத்தப்படுகிறார்கள் என மேலும் தெரிவித்துள்ளார்.

இதேவேளை, கடந்த மாதம் அயதுல்லா அலி கமெனி படுகொலை செய்யப்பட்ட பிறகு, அவரது மகன் முஜ்தபா கமெனி உச்ச தலைவராக நியமிக்கப்பட்டார் என்பது குறிப்பிடத்தக்கது.

இருப்பினும், போர் தொடங்கியதிலிருந்து அவர் பொதுவெளியில் தோன்றவில்லை, அதே நேரத்தில் அவர் காயமடைந்ததாகவும் சில அறிக்கைகள் வெளிப்படுத்தியுள்ளன.