அமெரிக்காவில் ஓட்டுநர்களுக்கு ஏற்பட்டுள்ள சிக்கல் – ஆங்கிலத்திற்கு முன்னுரிமை!

அமெரிக்காவில் உள்ள அனைத்து ஓட்டுநர்களும் வணிக ஓட்டுநர் உரிமத்தை பெற்றுக்கொள்வதற்கான பரீட்சையை ஆங்கிலத்தில் மட்டுமே எழுத வேண்டும் என அறிவிக்கப்பட்டுள்ளது.

தொடர்புடைய அறிவிப்பை அமெரிக்க போக்குவரத்துச் செயலாளர் சீன் டஃபி (Sean Duffy) வெளியிட்டுள்ளார்.

ஓட்டுநர்கள் சாலை அடையாளங்களைப் புரிந்துகொள்ளவும் சட்ட அமலாக்கத்துடன் திறம்பட தொடர்பு கொள்ளவும் இது உதவும் என அவர் தெரிவித்துள்ளார்.

சாலை விதிகளை முறையாக பின்பற்றாததன் காரணமாக அதிகரித்து வரும் விபத்துக்களை கட்டுப்படுத்த இந்த நடவடிக்கை எடுக்கப்பட்டுள்ளதாக அறிவிக்கப்பட்டுள்ளது.

மேலும் இந்த பிரச்சாரம் லொறி நிறுவனங்களுக்கான பதிவுத் தேவைகளை வலுப்படுத்தும் என்றும்  ஸ்பாட் சோதனைகளை அதிகரிக்கும் என்றும் குறிப்பிடப்பட்டுள்ளது.