சிரேஷ்ட இடதுசாரி தலைவர் திஸ்ஸ விதாரண காலமானார்!

இலங்கையின் சிரேஷ்ட இடதுசாரி அரசியல் தலைவர்களுள் ஒருவரான லங்கா சமசமாசக் கட்சியின் Lanka Samasamasha Party தலைவர், முன்னாள் அமைச்சர் பேராசிரியர் திஸ்ஸ விதாரண Tissa Witharana காலமானார். (91 வயது)

உடல்நலன் பாதிக்கப்பட்டிருந்த அவர், சிறி ஜயவர்த்தனபுர கோட்டேயில் உள்ள அவரது இல்லத்தில் இன்று காலை காலமானார் என குடும்ப உறுப்பினர்கள் தெரிவித்தனர்.

பேராசிரியர் திஸ்ஸ விதாரண 2004ஆம் ஆண்டு தொடக்கம், 2015ஆம் ஆண்டு வரை நாடாளுமன்றத்தில் தேசியப் பட்டியல் உறுப்பினராக அங்கம் வகித்தார்.

மஹிந்த ஆடிசியில் விஞ்ஞான தொழில்நுட்ப அமைச்சராகவும் பதவி வகித்திருந்தார். சிரேஷ்ட அமைச்சராகவும் பதவி வகித்துள்ளார்.

இனப்பிரச்சினைக்கு அரசியல் தீர்வு காண்பதற்காக மஹிந்த ஆட்சியில் நியமிக்கப்பட்ட சர்வசக்கட்சி பிரதிநிதிகள் குழுவின் தலைவராகவும் பேராசிரியர் திஸ்ஸ விதாரண செயல்பட்டார்.

அவரது மறைவு தொடர்பில் அரசியல் பிரமுகர்கள் பலரும் அனுதாபம் தெரிவித்துள்ளனர்.