அமெரிக்காவில் குறைந்தது 59 வாகனங்கள் ஒன்றுடன் ஒன்று மோதி விபத்து!

அமெரிக்காவில் நிலவும் அடந்த மூடு பனியுடன் கூடிய வானிலை காரணமாக சுமார் 59 வாகனங்கள் ஒன்றுடன் ஒன்று மோதி விபத்துக்குள்ளாகியுள்ளதாக அறிவிக்கப்பட்டுள்ளது.

கலிபோர்னியாவின் (California) பேக்கர்ஸ்ஃபீல்டிற்கு (Bakersfield) வடக்கே உள்ள நெடுஞ்சாலையில் நேற்று இந்த விபத்து இடம்பெற்றுள்ளது.

குறித்த பகுதியில் கடுமையான மூடுப்பனி நிலவுவதாகவும், ஆகவே அப்பகுதியூடாக பயணம் செய்வதை தவிர்க்குமாறு அதிகாரிகள் முன்கூட்டியே தெரிவித்திருந்ததாகவும் கூறப்படுகிறது.

விபத்து தொடர்ந்து கோல்டன் ஸ்டேட் (Golden State) நெடுஞ்சாலை முழுவதுமாக மூடப்பட்டதாகவும் அறிவிக்கப்பட்டுள்ளது.

கலிபோர்னியா நெடுஞ்சாலை ரோந்து அதிகாரிகள் மற்றும் அவசர பணியாளர்கள் சம்பவ இடத்தில் இருந்ததாகவும், இருவர் வைத்தியசாலைக்கு கொண்டு செல்லப்பட்டதாகவும் கூறப்படுகிறது.

மேலும் இந்த கோர விபத்து தொடர்பில் அதிகாரிகள் விசாரணைகளை முன்னெடுத்து வருவதாக கூறப்படுகிறது.