துபாயில் உயிரிழந்த இந்திய வம்சாவளியைச் சேர்ந்த தொழிலதிபர்

ஐக்கிய அரபு எமிரேட்ஸில்(United Arab Emirates) வசிக்கும் இந்திய தொழிலதிபர் தேவேஷ் மிஸ்திரி துபாயில்(Dubai) காலமானதாக கல்ஃப் நியூஸ்(Gulf News) செய்தி வெளியிட்டுள்ளது.

மத்திய கிழக்கின் டிஜிட்டல் வடிவமைப்புத் துறையில் நன்கு அறியப்பட்ட நபராகவும், பல பல்கலைக்கழக மாணவர்களுக்கு வழிகாட்டியாகவும் திகழ்ந்தவர் தேவேஷ் மிஸ்திரி.

‘சூப்பர்மேன்’ என்று அன்பாக அழைக்கப்படும் மிஸ்திரி, 2011ல் அமோல் கடமுடன்(Amol Kadam) இணைந்து ரெட் ப்ளூ ப்ளர் ஐடியாஸ்(Red Blue Blur Ideas) என்ற டிஜிட்டல் நிறுவனத்தை நிறுவினார்.

இந்நிலையில், நிறுவனம் அவரது மரணத்தை அறிவித்தது, ஆனால் அதற்கான காரணத்தை வெளியிடவில்லை.

LinkedIn பதிவில்,”இன்று, ரெட் ப்ளூ ப்ளர் ஐடியாஸில் உள்ள எங்கள் அனைவருக்கும் மிகவும் வேதனையான செய்தியை பகிர்ந்து கொள்கிறோம். எங்கள் இணை நிறுவனர் தேவேஷ் மிஸ்திரி காலமானார்” என்று பதிவிட்டுள்ளது.

மேலும், “ஆரம்ப நாட்களிலிருந்தே நிறுவனத்தின் உந்து சக்தியாக தேவேஷ் இருந்தார். நம்மில் பலருக்கு அவர் எங்கள் சொந்த சூப்பர்மேன். இது எங்கள் முழு குழுவிற்கும் துக்கம். இந்த இழப்பின் மூலம் ஒருவருக்கொருவர் ஆதரவளிக்க நாங்கள் நேரத்தையும் இடத்தையும் எடுத்துக்கொள்கிறோம்” என்று அஞ்சலி செலுத்தியுள்ளது.