என்பிபி அரசு மஹிந்தவிடம் மன்னிப்பு கோர வேண்டும்!

ராஜபக்சக்களுக்கு எதிரான முன்வைத்த குற்றச்சாட்டுகளை நிரூபிக்க வேண்டும்.

அவ்வாறு இல்லையேல் மெதமுலன சென்று மஹிந்த ராஜபக்சவிடம் அரசாங்கம் மன்னிப்பு கோர வேண்டும் என்று பிவிருது ஹெல உறுமயவின் தலைவர் உதய கம்மன்பில வலியுறுத்தினார்.

நுகேகொடை கூட்டத்தில் கலந்துகொண்டு உரையாற்றுகையிலேயே அவர் இவ்வாறு கூறினார்.

“ ராஜபக்சக்களின் பணம் உகண்டாவில் உள்ளது. ராஜபக்சக்களின் மகன்மார் வளர்க்கும் நாய்க்கு தங்க சங்கிலி போடப்பட்டுள்ளது என்றெல்லாம் குற்றச்சாட்டுகள் முன்வைக்கப்பட்டன.

இவற்றை நிரூபிக்க வேண்டும். அவ்வாறு இல்லையேல் மெதமுலனயில் உள்ள மஹிந்த ராஜபக்சவின் வீட்டுக்கு சென்று காலில் விழுந்து மன்னிப்பு கோர வேண்டும்.

அதேபோல நாட்டு மக்களுக்கு போலி வாக்குறுதிகளை வழங்கியதற்காக மக்களிடமும் அரசாங்கம் மன்னிப்பு கோர வேண்டும்.” என்றார் உதய கம்மன்பில.