SLvsZIM – முதலாவது ஒருநாள் போட்டியில் இலங்கை அணி வெற்றி

இலங்கை மற்றும் சிம்பாப்வே அணிகளுக்கு இடையிலான முதலாவது ஒருநாள் போட்டியில் இலங்கை அணி 7 ஓட்டங்களால் வெற்றிபெற்றுள்ளது.

போட்டியின் நாணய சுழற்சியில் வெற்றிபெற்ற சிம்பாப்வே அணி, இலங்கை அணியை முதலில் துடுப்பெடுத்தாட அழைத்தது.

அதன்படி, முதலில் துடுப்பெடுத்தாடிய இலங்கை அணி, நிர்ணயிக்கப்பட்ட 50 ஓவர்களில் 6 விக்கெட்டுகளை இழந்து 298 ஓட்டங்களைப் பெற்றது.

இலங்கை அணி சார்பில், ஆரம்ப துடுப்பாட்ட வீரர் பெத்தும் நிஸ்ஸங்க அதிகபட்சமாக 76 ஓட்டங்களைப் பெற்றார்.

பந்துவீச்சில், சிம்பாப்வே அணி சார்பில் ரிச்சர்ட் ங்காரவா அதிகபட்சமாக 2 விக்கெட்டுகளை கைப்பற்றினார்.

இந்நிலையில், 299 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய சிம்பாப்வே அணி, நிர்ணயிக்கப்பட்ட 50 ஓவர்களில் 8 விக்கெட்டுகளை இழந்து 291 ஓட்டங்களைப் பெற்று, 7 ஓட்டங்களால் தோல்வியடைந்தது.

சிம்பாப்வே அணி சார்பில் சிக்கந்தர் ராசா அதிகபட்சமாக 92 ஓட்டங்களைப் பெற்றார்.

பந்துவீச்சில், அசித பெர்ணான்டோ 3 விக்கெட்டுகளையும், தில்ஷான் மதுசங்க 4 விக்கெட்டுகளையும் வீழ்த்தினர்.

இந்த வெற்றியைத் தொடர்ந்து, மூன்று போட்டிகள் கொண்ட தொடரில் இலங்கை அணி 1-0 என்ற கணக்கில் முன்னிலை பெற்றுள்ளது.