அஜித்தின் AK 64 படம் குறித்து அதிரடி அப்டேட்

தமிழ் சினிமாவில் முன்னணி நடிகராக புகழின் உச்சத்தில் வலம் வருபவர் நடிகர் அஜித் குமார். இந்த வருட ஆரம்பத்தில் அஜித்தின் விடாமுயற்சி மற்றும் குட் பேட் அக்லி என 2 படங்கள் வெளியானது.

இதில் கடைசியாக வெளியான குட் பேட் அக்லி மிகப்பெரிய வெற்றியை பெற்றது. தற்போது அஜித் கார் ரேஸில் கவனம் செலுத்தி வருகிறார், இந்த வருட இறுதியில் அடுத்து பட வேலைகளில் இறங்குவார் என தெரிகிறது.

குட் பேட் அக்லி பட வெற்றியை தொடர்ந்து அஜித் மீண்டும் ஆதிக் ரவிச்சந்திரன் இயக்கத்திலேயே நடிக்க கமிட்டாகியுள்ளார். இந்த படத்தை பிரம்மாண்டமாக வேல்ஸ் பிலிம்ஸ் நிறுவனத்தின் ஐசரி கணேஷ் தயாரிக்க இருப்பதாக கூறப்படுகிறது.

இந்நிலையில், இப்படம் குறித்து அஜித்தின் மேலாளர் சுரேஷ் சந்திரா அவரது இன்ஸ்டாகிராம் பயோவில் ஏ.கே 64 படத்தின் அறிவிப்பு விரைவில் வெளிவரவுள்ளதாக பதிவிட்டிருக்கிறார்.

தற்போது, இந்த பதிவு அஜித் ரசிகர்களுக்கு பெரும் எதிர்பார்ப்பை ஏற்படுத்தியுள்ளது.