திரையரங்கில் சக்கைப்போடு போட்ட புஷ்பா 2 ஓடிடிக்கு வருகின்றது…

தெலுங்கு திரையுலகில் முன்னணி மாஸ் நடிகராக வலம் வருபவர் அல்லு அர்ஜுன். அவரை பான் இந்தியா ஹீரோவாக உயர்த்திய படம் புஷ்பா. இப்படத்தை சுகுமார் இயக்கி இருந்தார். இப்படம் கடந்த 2021-ம் ஆண்டு ரிலீஸ் ஆகி திரையரங்குகளில் சக்கைப்போடு போட்டது.

புஷ்பா படத்தின் மாபெரும் வெற்றியை தொடர்ந்து அதன் இரண்டாம் பாகத்தை கடந்த ஆண்டு ரிலீஸ் செய்தனர். இப்படத்தை சுமார் 350 கோடி பட்ஜெட்டில் பிரம்மாண்டமாக தயாரித்து இருந்தது மைத்ரீ மூவி மேக்கர்ஸ் நிறுவனம்.

புஷ்பா 2 திரைப்படத்தில் அல்லு அர்ஜுன் ஜோடியாக ராஷ்மிகா மந்தனா நடித்திருந்தார். மேலும் இப்படத்தில் வில்லனாக பகத் பாசில் மிரட்டி இருந்தார். இப்படத்தின் பாடல்களுக்கு தேவி ஸ்ரீ பிரசாத் இசையமைக்க, பின்னணி இசையை சாம் சி.எஸ், தமன் ஆகியோர் அமைத்திருந்தனர்.

திரையரங்கில் சக்கைப்போடு போட்ட புஷ்பா 2 திரைப்படம் தற்போது ஓடிடிக்கு வர உள்ளது. அப்படத்தின் ஓடிடி ரிலீஸ் தேதியை நெட்பிளிக்ஸ் நிறுவனம் அறிவித்துள்ளது.

அதன்படி வருகிற ஜனவரி 30ந் தேதி புஷ்பா 2 திரைப்படம் நெட்பிளிக்ஸ் ஓடிடி தளத்தில் ரிலீஸ் ஆக உள்ளது. அதுவும் கூடுதல் காட்சிகளோடு அப்படம் ஓடிடிக்கு வருகிறது.

மொத்தம் 3 மணிநேரம் 44 நிமிட படமாக நெட்பிளிக்ஸில் புஷ்பா 2 ரிலீஸ் ஆக உள்ளதாம். அதுமட்டுமின்றி அப்படம் எந்தவித போட்டியுமின்றி ஓடிடியில் ரிலீஸ் ஆக உள்ளதாக கூறப்படுகிறது.