பெலாரஸ் மீது புதிய தடைகளை விதிக்க தயாராகும் ஐரோப்பிய ஒன்றியம் – தேர்தலும் நிராகரிப்பு!
பெலாரஸில் கடந்த ஞாயிற்றுக்கிழமை நடந்த தேர்தலை சட்டவிரோதமானது என்று ஐரோப்பிய ஒன்றியம் நிராகரித்ததுடன், புதிய தடைகளை விதிப்பதாக அச்சுறுத்தியுள்ளது.
பெலாரஸ் ஒரு திட்டமிட்ட வாக்கெடுப்பை நடத்தியது, இது 70 வயதான சர்வாதிகார ஜனாதிபதி அலெக்சாண்டர் லுகாஷென்கோவின் மூன்று தசாப்த கால ஆட்சிக்குப் பிறகு மீண்டும் ஒரு பதவிக் காலத்தை வழங்க உத்தரவாதம் அளித்தது.
இந்நிலையில் குறித்த தேர்தல் சுதந்திரமாகவோ அல்லது நியாயமாகவோ இல்லை” என்று ஐரோப்பிய ஒன்றிய வெளியுறவுக் கொள்கைத் தலைவர் காஜா கல்லாஸ் மற்றும் ஐரோப்பிய ஒன்றிய விரிவாக்க ஆணையர் மார்டா கோஸ் ஆகியோர் ஒரு கூட்டு அறிக்கையில் தெரிவித்தனர்.
மனித உரிமைகள் மீதான இடைவிடாத மற்றும் முன்னெப்போதும் இல்லாத அடக்குமுறை, அரசியல் பங்கேற்புக்கான கட்டுப்பாடுகள் மற்றும் சுயாதீன ஊடகங்களுக்கான அணுகல் ஆகியவை தேர்தல் செயல்முறையின் எந்தவொரு சட்டபூர்வமான தன்மையையும் இழந்துவிட்டன என்று அவர்கள் தெரிவித்துள்ளனர்.
இதற்கிடையில் அரசியல் கைதிகள் விடுதலையை வலியுறுத்தியுள்ளதுடன், உக்ரைனுக்கு எதிரான ரஷ்ய போரில் ரஷ்யாவிற்கு ஆதரவாக செயற்பட்டமை உள்ளிட்ட பல காரணங்களை காட்டி புதிய தடைகளை விதிப்பதாக தெரிவித்துள்ளனர்.
புதிய தடைகள் எதை இலக்காகக் கொள்ளும் என்பதை அவர்கள் விரிவாகக் கூறவில்லை, அல்லது ஒரு காலக்கெடுவை வழங்கவில்லை.
(Visited 2 times, 1 visits today)
