SLvsSA – 3ம் நாள் முடிவில் 221 ஓட்டங்கள் முன்னிலையில் தென் ஆப்பிரிக்கா

தென் ஆப்பிரிக்காவில் சுற்றுப்பயனம் மேற்கொண்டுள்ள இலங்கை கிரிக்கெட் அணி 2 போட்டிகள் கொண்ட டெஸ்ட் தொடரில் விளையாடி வருகிறது.

இதில் முதல் டெஸ்ட் போட்டியில் தென் ஆப்பிரிக்கா வெற்றி பெற்று தொடரில் 1-0 என்ற கணக்கில் முன்னிலை வகிக்கிறது. இதனையடுத்து இவ்விரு அணிகள் இடையிலான 2-வது மற்றும் கடைசி டெஸ்ட் கிரிக்கெட் போட்டி கெபேஹாவில் நடைபெற்று வருகிறது.

இந்த ஆட்டத்திற்கான டாசில் வென்ற தென் ஆப்பிரிக்கா முதலில் பேட்டிங் செய்வதாக அறிவித்தது. அதன்படி முதலில் பேட்டிங் செய்த தென் ஆப்பிரிக்கா தனது முதல் இன்னிங்சில் 358 ரன்கள் குவித்து ஆல் அவுட் ஆனது.

தென் ஆப்பிரிக்கா தரப்பில் கைல் வெர்ரைன் 105 ரன்கள் எடுத்து ஆட்டம் இழக்காமல் இருந்தார். இலங்கை தரப்பில் லஹிரு குமாரா 4 விக்கெட்டுகள் வீழ்த்தினார்.

இதையடுத்து இலங்கை தனது முதல் இன்னிங்சை தொடங்கிய இலங்கை நேற்றைய 2ம் நாள் ஆட்ட நேர முடிவில் 3 விக்கெட்டை இழந்து 242 ரன்கள் எடுத்திருந்தது.

இலங்கை தரப்பில் மேத்யூஸ் 40 ரன்னுடனும், காமிந்து மெண்டிஸ் 30 ரன்னுடனும் களத்தில் இருந்தனர். இந்நிலையில், 3ம் நாள் ஆட்டம் நடைபெற்றது.

116 ரன்கள் பின்னிலையுடன் இன்று பேட்டிங்கை தொடங்கிய இலங்கை தனது முதல் இன்னிங்சில் 328 ரன்களுக்கு ஆல் அவுட் ஆனது. இலங்கை தரப்பில் அதிகபட்சமாக பதும் நிசாங்கா 89 ரன்கள் எடுத்தார்.

தென் ஆப்பிரிக்கா தரப்பில் டேன் பேட்டர்சன் 5 விக்கெட்டுகள் எடுத்தார். இதையடுத்து 32 ரன்கள் முன்னிலையுடன் தென் ஆப்பிரிக்கா தனது 2வது இன்னிங்சை தொடங்கியது.

தென் ஆப்பிரிக்காவின் தொடக்க ஆட்டக்காரர்களாக டோனி டி ஜோர்ஜி மற்றும் எய்டன் மார்க்ரம் ஆகியோர் களம் இறங்கினர். இதில் டோனி டி ஜோர்ஜி 19 ரன்னில் அவுட் ஆனார்.

இதையடுத்து களம் இறங்கிய ரியான் ரிக்கெல்டன் 24 ரன்னில் அவுட் ஆனார். மற்புறம் நிதான ஆட்டத்தை வெளிப்படுத்திய மார்க்ரம் அரைசதம் அடித்த நிலையில் 55 ரன்னில் அவுட் ஆனார்.

தொடர்ந்து டிரிஸ்டன் ஸ்டப்ஸ் மற்றும் டெம்பா பவுமா ஜோடி சேர்ந்தனர். இருவரும் நிதானமாக ஆடி ரன்கள் சேர்த்தனர். இறுதியில் 3ம் நாள் ஆட்ட நேர முடிவில் தென் ஆப்பிரிக்கா தனது 2வது இன்னிங்சில் 3 விக்கெட்டை இழந்து 191 எடுத்துள்ளது.

தென் ஆப்பிரிக்கா தரப்பில் பவுமா 48 ரன்களுடனும், ஸ்டப்ஸ் 36 ரன்னுடனும் களத்தில் உள்ளனர். இலங்கை தரப்பில் பிரபாத் ஜெயசூர்யா 2 விக்கெட், விஷ்வா பெர்ணாண்டோ 1 விக்கெட் வீழ்த்தினர்.

தென் ஆப்பிரிக்கா தற்போது வரை 221 ரன்கள் முன்னிலை பெற்றுள்ளது. 4ம் நாள் ஆட்டம் இன்று நடைபெறுகிறது.