இலங்கை வாகனத்தை திருடிய குற்றச்சாட்டில் இளைஞர் ஒருவர் கைது

மஸ்கெலியா பொலிஸ் பிரிவில் 8.3 மில்லியன் பெறுமதியான வான் ஒன்றை கொள்ளையடித்த குற்றச்சாட்டில் 28 வயதுடைய இளைஞர் ஒருவர் கைது செய்யப்பட்டுள்ளார்.

நவம்பர் 09 ஆம் திகதி திருடப்பட்டதாக தெரிவிக்கப்பட்ட வாகனம் தொடர்பில் ஹட்டன் பொலிஸ் குற்றப் புலனாய்வுப் பிரிவினரால் விசாரணைகள் ஆரம்பிக்கப்பட்டுள்ளன.

கஹவத்தை பொலிஸ் பிரிவிற்குட்பட்ட ஓப்பவத்தை பிரதேசத்தில் வைத்து நேற்று சனிக்கிழமை காலை இந்த கொள்ளை சம்பவம் தொடர்பில் சந்தேகநபர் ஒருவரை பொலிஸார் கைது செய்துள்ளனர்.

சந்தேக நபரிடம் மேற்கொள்ளப்பட்ட விசாரணைகளின் போது வாகனம் வவுனியா பகுதியில் கண்டுபிடிக்கப்பட்டதை அடுத்து, அது பொலிஸாரால் கைப்பற்றப்பட்டது.

ஹட்டன் பொலிஸாரின் குற்றப் புலனாய்வுப் பிரிவினர் மேலதிக விசாரணைகளை மேற்கொண்டு வருகின்றனர்.