நிலந்தவுக்கு ஏன் தண்டனை வழங்கப்படவில்லை ?

உயிர்த்த ஞாயிறு தின தாக்குதல் தொடர்பில் ஜனாதிபதி விசாரணை கமிஷன் முன்னாள் அரச புலனாய்வு சேவை பணிப்பாளர் நிலந்த ஜயவர்தனவுக்கு எதிராக சிபாரிசு செய்த தண்டனையை நிறைவேற்ற உத்தரவு வழங்குமாறு மேன்முறையீட்டு நீதிமன்றத்தில் மனு செய்யப்பட்டுள்ளது.

இம்முறைபாட்டுக்கு இணங்க தற்போது ஒழுக்காற்று விசாரணை ஒன்று நடைபெற்று வருவதாக நிலந்த ஜயவர்தனவின் சட்டத்தரணி மேன்முறையீட்டு நீதி மன்றத்தில் தெரிவித்துள்ளார்.

இவருக்கு எதிராக உரிய தண்டனையை வழங்க உத்தரவு வழங்குமாறு சமூக சம நிலை அமைப்பு நீதிமன்றத்தில் சமர்ப்பித்த மனு மீதான விசாரணையின் போது இத்தகவல் மேன் முறையீட்டு நீதிமன்றத்தில் தெரிவிக்கப்பட்டது.

இம்மனு குறித்த விளக்கத்தை வழங்க மனுதாரர்கள் தரப்பில் ஒரு தினத்தை ஒதுக்குமாறு வேண்டியதற்கு இணங்க பெப்ரவரி 22 ஆம் திகதியை அடுத்த வழக்கு தினமாக நீதவான் அறிவித்தார்.