விமான தாமதங்கள்! கட்டுநாயக்க விமான நிலையத்தில் விசேட பிரிவு- அரசாங்கம் பரிசீலனை

விமான தாமதங்கள் தொடர்பான தகவல்களை கையாள்வதற்காக கட்டுநாயக்க விமான நிலையத்தில் விசேட பிரிவொன்றை நிறுவுவது குறித்து அரசாங்கம் பரிசீலித்து வருகிறது.

விமான சேவைகள் தாமதம் தொடர்பான முறைப்பாடுகளை ஆராய்வதற்காக விமான போக்குவரத்து அமைச்சர் விஜித ஹேரத் நேற்று கட்டுநாயக்க விமான நிலையத்திற்கு விஜயம் செய்தார்.

இந்த விஜயத்தின் போது, ​​விமான நிலைய வளாகத்தில், விமான நிலைய அதிகாரிகள் மற்றும் சம்பந்தப்பட்ட விமான நிறுவனங்களின் அதிகாரிகளை பிரதிநிதித்துவப்படுத்தும் விசேட பிரிவொன்றை உருவாக்க வேண்டியதன் அவசியத்தை அமைச்சர் ஹேரத் வலியுறுத்தினார்.

24/7 செயல்படும் இந்த சிறப்புப் பிரிவு, விமான தாமதங்கள் குறித்த உடனடி அறிவிப்புகளை பயணிகளுக்கு வழங்குவதோடு, தாமதத்தின் போது பயணிகளுக்கு அதிகபட்ச வசதிகளையும் வழங்கும்.

விமான தாமதங்களை குறைப்பதற்கு நடவடிக்கை எடுக்குமாறு சம்பந்தப்பட்ட அனைத்து அதிகாரிகளுக்கும் அமைச்சர் விஜித ஹேரத் பணிப்புரை விடுத்துள்ளார்