இலங்கை வருவதற்கு பயணத் தடை இல்லை: இலங்கைக்கான அமெரிக்க தூதுவர் விளக்கம்

அமெரிக்க அரசாங்கம் இலங்கைக்கான பயணத்தடையை பிறப்பிக்கவில்லை, ஆனால் அறுகம் குடா பகுதி தொடர்பான தனது குடிமக்களுக்கு எச்சரிக்கையை மட்டுமே விடுத்துள்ளது என இலங்கைக்கான அமெரிக்க தூதுவர் ஜூலி சுங் இன்று தெளிவுபடுத்தியுள்ளார்.

கொழும்பில் இடம்பெற்ற நிகழ்வொன்றில் உரையாற்றிய தூதுவர் சுங், இலங்கை முழுவதிலும் பயண ஆலோசனை வழங்கப்பட்டதாக தவறான தகவல்கள் பகிரப்பட்டு வருவதாகக் கூறினார்.

இலங்கையில் பயணத் தடைகள் எதுவும் இல்லை எனத் தெரிவித்த தூதுவர் சுங், அண்மையில் விடுக்கப்பட்ட எச்சரிக்கை அறுகம் குடாவிற்கு மட்டுமே வரையறுக்கப்பட்டுள்ளது என்றார்.