கூகுள் அனுப்பிய குறுந்தகவலில் உள்ளது என்ன? முழுமையான விபரம்

தேர்ந்தெடுக்கப்பட்ட பயனர்களுக்கு அப்டேட் மற்றும் புதிய அம்சங்களைப் பற்றிய கூடுதல் விவரங்கள் அடங்கிய அறிவிப்பை கூகுள் அனுப்பி இருக்கிறது.

கூகுள் பிளே சர்வீசஸ் மூலம் “உங்கள் ஆன்ட்ராய்டில் புதிய அம்சங்கள் சேர்க்கப்பட்டுள்ளன” என்று சில ஆன்ட்ராய்டு யூசர்களுக்கு புதிய அறிவிப்பை கூகுள் அனுப்பியுள்ளதாக கூறப்படுகிறது. இந்த அறிவிப்பை தொடும்போது புதிதாக அறிமுகப்படுத்தப்பட்ட அம்சங்கள் ஃபுல் ஸ்கிரீனில் காண்பிக்கப்படுகின்றன. இதில் சர்க்கிள் டு சர்ச், கூகுள் லென்ஸ் மற்றும் கூகுள் ஃபோட்டோஸ் போன்றவை அடங்கும். 9To5Google-ன் படி, இந்த அறிவிப்புகள் இதற்கு முன்பு டிப்ஸ் ஆப் மூலம் பிக்சல் யூசர்களுக்கு மட்டுமே அனுப்பப்பட்டன.

யூசர்கள் அறிவிப்பை கிளிக் செய்யும்போது, ​​சமீபத்திய அப்டேட்டுடன் கூடிய ஆன்ட்ராய்டு சிறப்பம்சங்களை ஃபுல்ஸ்கிரீனில் பார்க்க முடியும். பின்னர் யூசர் கரோசல் மோடில் பல ஸ்கிரீன்களை ஸ்வைப் செய்யலாம். இது ஒரு நேரத்தில் ஒரே ஒரு அம்சத்தை மட்டும் ஆராய அனுமதிக்கிறது. இந்த அப்டேட் ஆன்ட்ராய்டு யூசர்களின் ஸ்மார்ட்போன்களில் கிடைக்கும் புதிய செயல்பாடுகள் குறித்த விழிப்புணர்வை மேம்படுத்துவதை நோக்கமாகக் கொண்டு அனுப்பப்பட்டுள்ளது.

9To5Googleஇன் அறிக்கைப்படி, ஒவ்வொரு அம்சத்தையும் எவ்வாறு பயன்படுத்துவது என்பதற்கான கிராஃபிக்குடன் கூடிய காட்சிக் குறிப்புகள் மற்றும் அது குறித்த விளக்கமும் வழங்கப்பட்டுள்ளது. கூடுதலாக, வாடிக்கையாளர்கள் இதனை எவ்வாறு பயன்படுத்துவது என்பதை புரிந்துகொள்ள “எப்படி தொடங்குவது” என்கிற பட்டனும் அதில் சேர்க்கப்பட்டுள்ளது.

முக்கிய அம்சங்கள்:

சர்கிள் டூ சர்ச்: AI தொழில்நுட்பம் மூலம் இயங்கும் இந்த அம்சம், ஆன்ட்ராய்டு ஸ்மார்ட்போனில் ஆப்ஸ்களை மாற்றாமலேயே எதையும் தேட யூசர்களை அனுமதிக்கிறது. பேருக்கு ஏற்றவாறு குறிப்பிட்ட இடத்தையோ அல்லது வார்த்தையையோ வட்டமிடுவதன் மூலம் அதுபற்றிய தகவலை தேட முடியும். கடந்த மாதம், QR கோடு மற்றும் பார்கோடுகளை ஸ்கேன் செய்யும்படி இது புதுப்பிக்கப்பட்டது.

கூகுள் லென்ஸ்: குறிப்பிட்ட புகைப்படத்தை வைத்து நீங்கள் எதைப் பார்க்கிறீர்கள் என்பதை புரிந்துகொள்வதற்கும், அதைப் பற்றிய பொருத்தமான தகவலை வழங்குவதற்கும் உருவாக்கப்பட்ட குறிப்பிடத்தக்க அம்சம் இது. கூகுள் மெசேஜஸ்: கூகுள் மெசேஜஸை இப்போது ஃபுல் ஸ்கிரீனில் பயன்படுத்த முடியும்.

கூகுள் போட்டோஸ்: போட்டோஸூக்கான தனித்துவமான ஆப்பான இதில் போட்டோ அன்ப்ளர், மேஜிக் எரேசர், போர்ட்ரெய்ட் லைட் மற்றும் மேஜிக் எடிட்டர் போன்ற புதிய அம்சங்கள் இணைக்கப்பட்டுள்ளன.

கூகுள் வாலட்: கூகுள் வாலட் இப்போது QR மற்றும் பார்கோடுகளை அனுமதிக்கிறது. இது யூசர்களுக்கு மின்னஞ்சல் அனுப்பப்பட்ட பாஸ்களை விரைவாக அணுக அனுமதிக்கிறது.

கூகுள் சேஃப் பிரவுசிங்: கூகுளின் சேஃப் பிரவுசிங் அம்சம் ஆபத்தான வலைத்தளங்கள், டவுன்லோடுகள் மற்றும் எக்ஸ்டன்ஷன்களில் இருந்து பயனர்களைப் பாதுகாக்கிறது. 9To5Googleஇன் படி, சேஃப் பிரவுசிங்கின்போது ஒரு கிரீன் ஷீல்டு இப்போது புதிய ஐகானாக தோன்றும்.

தொடர்புடைய செய்திகள்:

AI வாய்ஸ் குளோனிங் – மனிதர்களைப் போலவே பேசும் தொழில்நுட்பம் உலகின் மெல்லிய மடிக்கக்கூடிய ஸ்மார்ட்போன் அறிமுகம் Blockchain தொழில்நுட்பம் – மாறப்போகும் உலகம் iPad Pro விளம்பர சர்ச்சை – மன்னிப்பு கேட்ட ஆப்பிள் நிறுவனம் iPhone 17இல் அதிகபட்ச RAM வசதி – வெளியான அறிவிப்பு! WhatsAppஇன் இந்த முக்கிய அம்சத்தில் பாதுகாப்பு சிக்கல்… பயனர்களுக்கு எச்சரிக்கை