இலங்கையில் மகன் கடத்தலைத் தடுக்க முயன்ற தந்தை பலி! அமில வீச்சு தாக்குதலுக்கு இலக்கான மகன்!

எஹலியகொட பிரதேசத்தில் ஆயுதமேந்திய கும்பலினால் தனது மகனைக் கடத்திச் சென்றதைத் தடுக்க முற்பட்ட 65 வயதுடைய நபரொருவர் கொல்லப்பட்டதைத் தொடர்ந்து பொலிஸார் இதுவரை எவரையும் கைது செய்யவில்லை.

கடந்த 19ஆம் திகதி மாலை ஜீப் வண்டியில் பொலிஸ் உத்தியோகத்தர்கள் என தெரிவித்துக் கொண்டு குழுவொன்று பரகடுவ எஹெலியகொடவில் அமைந்துள்ள வீடொன்றுக்கு வந்துள்ளனர்.

வீட்டில் இருந்த இளைஞன் ஒருவர் மீது அமில வீச்சு தாக்குதலை மேற்கொண்டு, கைவிலங்கிட்டு பலவந்தமாக அழைத்துச் செல்ல அந்த கும்பல் முற்பட்ட போது, ​​அவரது தந்தை அதனை தடுக்க முயன்றுள்ளார்.

இதன்போது, தந்தை ஜீப்பில் தொங்க முற்பட்ட நிலையில், ஜீப்பினை நிறுத்தாமல் செலுத்தியதால் அவர் அதிலிருந்து கீழே விழுந்துள்ளார்.

கீழே விழுந்த தந்தை மீது ஜீப் வண்டியின் சில்லுகள் ஏறியதில் அவர் படுகாயமடைந்திருந்தார்.

விபத்தில் படுகாயமடைந்த 65 வயதுடைய தந்தை இரத்தினபுரி வைத்தியசாலையில் அனுமதிக்கப்பட்டதன் பின்னர் உயிரிழந்துள்ளார்.

குறித்த குழுவினரால் மகனும் அமில வீச்சுக்கு இலக்காகி இரத்தினபுரி வைத்தியசாலையில் சிகிச்சை பெற்று வந்த நிலையில் தந்தையின் சடலத்தை பார்ப்பதற்காக மகன் இன்று (22) வீட்டிற்கு வந்துள்ளார்.

கடத்தப்பட்ட மகன் காயங்களுடன் வீதியில் விட்டுக் செல்லப்பட்டுள்ளதோடு, உறவினர்கள் அவரை மீட்டு வைத்தியசாலையில் அனுமதித்திருந்தனர்.

குடும்பத்துக்கும் அண்டை வீட்டாருக்கும் இடையே நிலவும் தகராறு காரணமாக இந்த சம்பவம் நடந்திருக்கலாம் என போலீசார் சந்தேகிக்கின்றனர்.

ஒப்பந்தத்தின் ஒரு பகுதியாக இந்த தாக்குதல் நடத்தப்பட்டிருக்கலாம் என்றும் போலீசார் விசாரணை நடத்தி வருகின்றனர்.

எஹலியகொட பொலிஸார் மேலதிக விசாரணைகளை மேற்கொண்டு வருகின்றனர்.