சிட்னியில் பெரும் சோகம்: நீரில் மூழ்கி பெண் மற்றும் இரண்டு குழந்தைகள் பலி

அவுஸ்திரேலிய தலைநகரில் உள்ள ஜார்ஜஸ் ஆற்றில் தண்ணீருக்குள் இறங்கிய போது ஒரு பெண் மற்றும் இரண்டு குழந்தைகளுக்கு மிக மோசமான விளைவுடன் முடிந்தது.

Lansvale இல் Geroges ஆற்றில் மூழ்கிய விபத்தில் முறையே ஐந்து மற்றும் ஏழு வயதுடைய இரண்டு குழந்தைகளும் ஒரு பெண்ணும் இவ்வாறு உயிரிழந்துள்ளனர்.

அந்தப் பெண்ணும் இரண்டு குழந்தைகளும் தண்ணீரில் தத்தளித்துக் கொண்டிருப்பதைக் கண்டதும், உள்ளூர் பொலிசார் மீட்பு குழுவினரையும், படகுகளையும் வரவழைத்தனர்.

அவசர சேவைகள் வரும் வரை அப்பகுதி மக்கள் அந்தப் பெண்ணை கரைக்கு கொண்டுவருவதற்கு முயன்றனர், ஆனால் அது ஏற்கனவே மிகவும் தாமதமாகிவிட்டது.

பின்னர் பொலிசார் நீருக்குள் தீவிர தேடுதல் வேட்டையில் ஈடுபட்டனர், இதில் இரண்டு குழந்தைகளையும் கண்டுபிடிக்க பொலிசார், கடற்படை மற்றும் அவசர சேவை பிரிவினரும் பங்களித்தனர்.

பின்னர் சனிக்கிழமையன்று, மதியம் 2 மணியளவில் ஐந்து வயது சிறுமி மற்றும் ஏழு வயது சிறுவனின் உடல்கள் தண்ணீரில் இருந்து மீட்கப்பட்டதை பொலிசார் உறுதிப்படுத்தினர்.

சம்பவம் தொடர்பான சூழ்நிலைகள் குறித்த விசாரணை இன்னும் நடந்து வருகிறது.

உயிரிழந்த மூவரில் எவரும் இதுவரை அடையாளம் காணப்படவில்லை.