அமெரிக்காவில் படகுத்துறை மேடை இடிந்து விழுந்ததில் எழுவர் உயிரிழப்பு!

அமெரிக்காவின் ஜார்ஜியா மாநிலத்தின் கரையோரத்தில் படகுத்துறை மேடை ஒன்றின் ஒரு பகுதி சனிக்கிழமை (அக்டோபர் 19) பிற்பகல் இடிந்து விழுந்ததில் குறைந்தது எழுவர் உயிரிழந்தனர்.

அட்லாண்டிக் கடல்நீரில் குறைந்தது 20 பேர் விழுந்ததைத் தொடர்ந்து, காணாமல்போனவர்களைத் தேடும் பணியில் அமெரிக்கக் கடலோரக் காவல்படைக் கப்பல்கள் சனிக்கிழமை இரவு ஈடுபட்டன.

சிறிய குல்லா-கீச்சி சமூகத்தின் கொண்டாட்டத்திற்காக சபேலோ தீவில் மக்கள் கூடியபோது இச்சம்பவம் நிகழ்ந்ததாக அதிகாரிகள் தெரிவித்தனர்.

நீரில் மூழ்கிய பொருள்களை ஒலி அலைகள் கொண்டு அறியும் வசதி கொண்ட கடலோரக் காவல்படைக் கப்பல்களும் ஹெலிகாப்டர்களும் உடனடியாக தேடுதல், மீட்புப் பணியில் ஈடுபடத் தொடங்கியதாக அதிகாரிகள் கூறினர். விபத்துக்கான காரணம் தெரியவில்லை.

சபேலோ தீவைப் படகில் மட்டுமே சென்றடைய முடியும். அரசாங்கத்துக்குச் சொந்தமான படகில் அதன் கரையை அடைய ஏறக்குறைய 20 நிமிடங்கள் எடுக்கும்.

தொடர்புடைய செய்திகள்:

போர் குறித்து ஜோ பைடன் மற்றும் ஜோர்டான் மன்னர் இடையே பேச்சுவார்த்தை மூவாயிரம் ரூபாய் பில்லுக்கு எட்டு லட்சம் டிப்ஸ் கொடுத்த நபர் கனடாவில் ஒரே மாதத்தில் 800 நிறுவனங்கள் திவாலானது!! அச்சுறுத்தும் பொருளாதார மந்த நிலை கனடாவில் முதல் முறையாக அமுலாகும் கட்டுப்பாடு – புலம்பெயர்ந்தோருக்கு அதிர்ச்சி அமெரிக்காவில் வங்கி கட்டிடத்தில் பரபரப்பை ஏற்படுத்திய வெடி விபத்து – பலர் காயம் கொசுக்களால் பரவும் வைரஸ் தொற்றால் அமெரிக்க நபர் ஒருவர் மரணம்