இலங்கை : மட்டக்களப்பில் காணி கொள்வனவில் இடம்பெற்ற மோசடி : இலஞ்சம் பெற்ற அதிகாரி கைது!

கிழக்கு மாகாணத்தில் மாகாண வருவாய் திணைக்கள பிரதி ஆணையாளர் ஒருவர் இலஞ்சம் பெற்ற குற்றச்சாட்டின் பேரில் கைது செய்யப்பட்டுள்ளார். அவர் 200, 000 ரூபாவை இலஞ்சமாக பெற்றதாக தெரிவிக்கப்படுகிறது.

பிரதேசவாசி ஒருவரின் முறைப்பாட்டுக்கு அமைய மட்டக்களப்பு அலுவலகத்தில் வைத்து கைது செய்யப்பட்டதாக இலஞ்ச ஊழல் ஆணைக்குழு தெரிவித்துள்ளது.

முறைப்பாட்டாளர் மட்டக்களப்பில் 65 பேர்ச் காணியை 10 மில்லியன் செலுத்தி கொள்வனவு செய்ய பேச்சுவார்த்தை நடத்திய நிலையில், முத்திரை வரி  600,000 ரூபாய் செலுத்தப்பட்டதாக தெரிவிக்கப்படுகிறது.

எனினும், மாகாண வருவாய் திணைக்களத்தினால் காணியின் பெறுமதி மீள் மதிப்பீடு செய்யப்பட்ட பின்னர் காணியின் பெறுமதியானது 26.5 மில்லியன் ரூபாய் என இனங்காணப்பட்டதுடன், முத்திரை வரி மற்றும் அபராதம் உள்ளடங்களாக 850,000  செலுத்த வேண்டும் எனக் கூறப்பட்டுள்ளது.

எவ்வாறாயினும் துணை ஆணையர் கட்டணத்தை குறைக்க முற்பட்டதுடன், இதற்கு பிரதியீடாக  02 இலட்சம் ரூபாய் வழங்கப்பட்டதாகவும் தெரிவிக்கப்படுகிறது.

இதனையடுத்து அவர் கைது செய்யப்பட்டு மட்டக்களப்பு நீதிமன்றத்தில் முன்னிலைப்படுத்தப்பட்டுள்ளார்.

See also  சில வாக்குறுதிகளை நிறைவேற்ற அதிகாரம் உள்ள பாராளுமன்றம் தேவை

தொடர்புடைய செய்திகள்:

குழந்தைகளிடையே பரவும் மற்றொரு நோய்!!! வைத்தியர்கள் எச்சரிக்கை மத்திய வங்கி ஊழியர்களுக்கு மட்டும் ஏன் அதிக சம்பளம்? : நிதி இராஜாங்க அமைச்சர் விளக்கம்! இலங்கையில் துப்பாக்கிச் சூடு – பரிதாபமாக பலியான நபர் கனடாவில் தமிழ் இனப்படுகொலை நினைவுச் சின்னத்திற்கு இலங்கை கடும் எதிர்ப்பு 2024 பொதுத் தேர்தல்: வாக்காளர்களுக்கு தேசிய தேர்தல் ஆணையத்தின் முக்கிய அறிவிப்பு வைத்தியர் அருச்சுனா விளக்கமறியலில்