இஸ்‌ரேலின் ஹைஃபா நகர் மீது ஏவுகணை தாக்குதல் நடத்திய ஹிஸ்புல்லா ; பத்து பேர் காயம்

இஸ்ரேலின் மூன்றாவது பெரிய நகரமான ஹைஃபாவை ஹிஸ்புல்லா அமைப்பு பாய்ச்சிய ஏவுகணைகள் உலுக்கின.இதில் பத்து பேர் காயமடைந்ததாக இஸ்‌ரேலிய ஊடகம் அக்டோபர் 7ஆம் திகதியன்று தெரிவித்தது.

ஹைஃபாவின் தென்பகுதியில் உள்ள ராணுவத் தளத்தைக் குறிவைத்து ஏவுகணைகளைப் பாய்ச்சியதாக ஹிஸ்புல்லா தெரிவித்துள்ளது.

கடலோரப் பகுதியில் உள்ள ஹைஃபா நகரத்தில் இரண்டு ஏவுகணைகள் வெடித்துச் சிதறியதாகவும் அங்கிருந்து ஏறத்தாழ 65 கிலோமீட்டர் தூரத்தில் உள்ள திபேரியாஸ் பகுதியை ஐந்து ஏவுகணைகள் உலுக்கியதாகவும் இஸ்‌ரேலிய ஊடகம் தெரிவித்தது.இத்தாக்குதல் காரணமாகச் சில கட்டடங்களும் சொத்துகளும் சேதமடைந்ததாக இஸ்‌ரேலியக் காவல்துறை கூறியது.

பலருக்கு இலேசான காயங்கள் ஏற்பட்டதாகவும் அவர்கள் மருத்துவமனைக்குக் கொண்டு செல்லப்பட்டதாகவும் தெரிவிக்கப்பட்டது.

ஹிஸ்புல்லா பாய்ச்சிய ஏவுகணை, ஹைஃபா நகரம் மீது விழுந்து வெடித்துச் சிதறியதைக் காட்டும் காட்சி கண்காணிப்புக் கேமரா ஒன்றில் பதிவானது.

இதற்கிடையே, லெபனான் தலைநகர் பெய்ருட்டில் ஹிஸ்புல்லா அமைப்பின் உளவியல் பிரிவுக்குச் சொந்தமான இடங்களைத் தனது போர் விமானங்கள் தகர்த்ததாக இஸ்‌ரேலிய ராணுவம் தெரிவித்துள்ளது,பெய்ருட்டில் இருந்த ஹிஸ்புல்லா அமைப்பின் ஆயுதக் கிடங்கு ஒன்றையும் அழித்துவிட்டதாக இஸ்‌ரேலிய ராணுவம் கூறியது.

See also  அதிகரித்துள்ள போர் பதற்றம் ; லெபனானில் தரைவழித் தாக்குதலைத் தொடங்கியுள்ள இஸ்ரேல்

தொடர்புடைய செய்திகள்:

காசாவிலேயே நிரந்தரமாக இருந்துவிடும் எண்ணம் இல்லை – இஸ்ரேல் பாதுகாப்பு அமைச்சர் உறுதி! குவைத்தின் பட்டத்து இளவரசர் ஷேக் மெஷல் அல்-அஹ்மத் அல்-சபா காலமானார்! செங்கடலில் ஏற்பட்டுள்ள குழப்பம் – உணவு பொருட்களின் விலை உயரும் அபாயம் சவூதி அரேபியாவில் பெண் ஊடகவியலாளருக்கு அதிர்ச்சி கொடுத்த ரோபோ காசா -நிவாரணப் பொருட்கள் வாங்க திரண்டோர் மீது இஸ்ரேல் துப்பாக்கி சூடு: அறுவர் பலி!! இஸ்ரேலின் குற்றச் செயல்களுக்கு ஈரான் பதிலளிக்காமல் விடாது: வெளியுறவு அமைச்சகம் எச்சரிக்கை