இலங்கையில் நடந்த சோகம் – நபரின் உயிரை பறித்த வாழைப்பழம்
பலாங்கொடை பிரதேசத்தில் வாழைப்பழம் தொண்டையில் சிக்கியதில் ஒருவர் உயிரிழந்துள்ள சம்பவம் ஒன்று பதிவாகியுள்ளது.
பலாங்கொடை வெலிகேபொல பகுதியைச் சேர்ந்த 74 வயதுடைய ஒருவரே இவ்வாறு உயிரிழந்துள்ளார்.
அந்த நபரின் மரணம் தொடர்பாக பலாங்கொடை அடிப்படை வைத்தியசாலை சட்ட நிபுணர் எம்.ஜி. கேடி சத்யா தலைமையில் நடத்தப்பட்ட பிரேதப் பரிசோதனையில், தொண்டையில் வாழைப்பழம் சிக்கியதால் மூச்சு விடுவதில் சிரமம் ஏற்பட்டு மரணம் நிகழ்ந்துள்ளதாக தெரியவந்துள்ளது.
இந்த மரணம் தொடர்பிலான சாட்சியங்களை ஆராயும் போது உயிரிழந்தவரின் மனைவி, தனது கணவர் வீட்டில் சாப்பிட்டுவிட்டு வாழைப்பழம் சாப்பிட்டுக் கொண்டிருந்ததாக தெரிவித்துள்ளார்.
அவர் திடீரென தரையில் விழுந்துவிட்டதாகவும், பின்னர் அவரை மருத்துவரிடம் அழைத்துச் செல்ல ஏற்பாடு செய்ததாகவும் அவர் கூறியுள்ளார்.
மருத்துவரிடம் அழைத்துச் சென்ற போதும் தனது கணவர் கோமா நிலையில் இருந்ததாக குறித்த பெண் சாட்சியத்தில் மேலும் தெரிவித்துள்ளார்.
(Visited 12 times, 1 visits today)
