ஹங்வெல்லவில் வர்த்தகர் ஒருவர் சுட்டுக்கொலை…

இன்று இரவு 09.30 மணியளவில் ஹன்வெல்ல பொலிஸ் பிரிவிற்குட்பட்ட நெலுவத்துடுவ பகுதியில் இனந்தெரியாத துப்பாக்கிதாரி ஒருவர் நபர் ஒருவரை சுட்டுவிட்டு தப்பிச் சென்றுள்ளார்.

நெலுவத்துடுவ பிரதேசத்தில் வசிக்கும் 55 வயதுடைய வர்த்தகர் ஒருவரே இவ்வாறு உயிரிழந்துள்ளார்.

உயிரிழந்தவர் வீட்டில் இருந்த போது நபர் ஒருவர் வந்து துப்பாக்கியால் சுட்டுள்ளதுடன், இதற்கு T 56 ரக துப்பாக்கி பயன்படுத்தப்பட்டுள்ளதாக பொலிஸார் சந்தேகிக்கின்றனர்.

சடலம் அவிசாவளை வைத்தியசாலையின் பிரேத அறையில் வைக்கப்பட்டுள்ளதுடன், தப்பியோடிய சந்தேக நபர்களை கைது செய்வதற்கான மேலதிக விசாரணைகளை ஹங்வெல்ல பொலிஸார் மேற்கொண்டு வருகின்றனர்.