சொகுசு படகு சிசிலியில் மூழ்கியதில் பிரிட்டிஷ் தொழிலதிபர் காணாமல் போயுள்ளதாக தகவல்
திங்கட்கிழமை அதிகாலை சிசிலியில் எதிர்பாராதவிதமாக வீசிய புயலால் ஆடம்பர படகு தாக்கி மூழ்கியதில், பிரிட்டிஷ் தொழில்நுட்ப தொழிலதிபர் மைக் லிஞ்ச் மற்றும் அவரது மகள் உட்பட 6 பேரை காணவில்லை.
56 மீட்டர் நீளமுள்ள (184-அடி) பிரித்தானியக் கொடியுடைய “பேய்சியன்” 22 பேரை ஏற்றிக்கொண்டு போர்டிசெல்லோ துறைமுகத்திற்கு அருகில் கரையோரம் நங்கூரமிடப்பட்டபோது, அது கடுமையான வானிலையால் தாக்கப்பட்டதாக இத்தாலிய கடலோரக் காவல்படை தெரிவித்துள்ளது.
விடியற்காலையில் படகு அலைகளுக்கு அடியில் விரைவாக மறைந்துவிட்டதாக நேரில் பார்த்தவர்கள் தெரிவித்தனர்.
படகுக்குச் சொந்தமான லிஞ்சின் மனைவி ஏஞ்சலா பேக்கரேஸ் மற்றும் ஒரு வயது சிறுமி உட்பட 15 பேர் காப்பாற்றப்பட்டுள்ளனர்.
இறந்த மற்றும் காணாமல் போனவர்களின் பெயர்கள் உடனடியாக வெளியிடப்படவில்லை.
இறந்தவர் படகில் இருந்த சமையல்காரர் என்று இத்தாலிய ஊடகங்கள் தெரிவித்துள்ளன.
(Visited 19 times, 1 visits today)
