இலங்கை ஜனாதிபதித் தேர்தலுக்கான திகதி அறிவிப்பு!

நாட்டின் 9ஆவது ஜனாதிபதித் தேர்தலை எதிர்வரும் செப்டம்பர் மாதம் 21ஆம் திகதி நடத்துவதற்கான அதிவிசேட வர்த்தமானி அறிவித்தல் வெளியிடப்பட்டுள்ளது.

தேர்தல்கள் ஆணைக்குழுவின் தலைவரின் கையொப்பத்துடன் இந்த வர்த்தமானி அறிவித்தல் வெளியிடப்பட்டுள்ளது.

ஜனாதிபதித் தேர்தலுக்கான வேட்பு மனு எதிர்வரும் 15ஆம் திகதி கோரப்படவுள்ளது.

குறித்த தேர்தலுக்கான கட்டுப்பணத்தை இன்று (26) முதல் செலுத்த முடியும் என அந்த வர்த்தமானி அறிவித்தலில் அறிவிக்கப்பட்டுள்ளது.

ஜனாதிபதியின் பதவிக்காலம் நவம்பர் 17, 2024 இல் முடிவடைகிறது என்றும், ஜனாதிபதித் தேர்தலுக்கான வாக்கெடுப்பு ஒரு மாதத்திற்குக் குறையாமலும், இரண்டு மாதங்களுக்கு முன்னரே பதவிக்காலம் முடிவடைவதற்கு முன்னரே நடத்தப்படும் என்றும் தெரிவிக்கப்பட்டுள்ளது.

இதன்மூலம், 2024 ஆகஸ்டு 15 ஆம் திகதி ஜனாதிபதித் தேர்தலுக்கான வேட்புமனுத் தினமாகவும், இராஜகிரியவில் உள்ள தேர்தல்கள் ஆணைக்குழுவின் அலுவலகத்தை மேற்படி தேர்தலுக்கான வேட்பாளர்களின் நியமன இடமாகவும் தேர்தல்கள் ஆணைக்குழு பிரகடனப்படுத்துகிறது.

தொடர்புடைய செய்திகள்:

ஆஸ்திரேலியாவில் பணம் பயன்படுத்துவதை தவிர்க்கும் மக்கள் ஜனாதிபதி ரணிலுக்கும் மஹிந்த கட்சிக்கும் இடையில் மோதல் இரண்டாயிரம் ஆண்டுகளுக்கு முன் புற்றுநோய்க்கு மருத்துவம் பார்த்த எகிப்தியர்கள்! ஜம்மு-காஷ்மீர்: 10 ஆண்டுகளுக்கு பிறகு நடைபெறும் சட்டமன்றத் தேர்தல்! இலங்கையின் 9வது ஜனாதிபதியாக தெரிவானார் அநுரகுமார