இயக்குனர் மற்றும் நாடக ஆசிரியருக்கு சிறைத்தண்டனை விதித்த ரஷ்ய நீதிமன்றம்

ரஷ்ய நீதிமன்றம் “பயங்கரவாதத்தை நியாயப்படுத்தியதற்காக” ஒரு நாடக ஆசிரியர் மற்றும் ஒரு நாடக இயக்குனருக்கு தலா 6 ஆண்டுகள் சிறைத்தண்டனை விதித்துள்ளது.

கலைச் சுதந்திரத்தின் மீதான ரஷ்யாவின் சகிப்புத்தன்மையின்மையை வெளிப்படுத்தியதாக உரிமைப் பிரச்சாரகர்கள் கூறிய ஒரு விசாரணையின் முடிவில் இந்த தண்டனை வழங்கப்பட்டுள்ளது.

இஸ்லாமிய அரசுப் போராளிகளை மணக்கும் ரஷ்யப் பெண்களைப் பற்றிய Finist, the Brave Falcon என்ற நாடகத்தைத் தயாரித்ததற்காக, இயக்குனர் Zhenya Berkovich மற்றும் நாடக ஆசிரியர் Svetlana Petriychuk,மே 2023 இல் கைது செய்யப்பட்டனர்.

2022 இல் மாஸ்கோ உக்ரைனுக்குள் துருப்புக்களை அனுப்பியதில் இருந்து, ரஷ்ய கலாச்சார பிரமுகர்களின் கலைப் படைப்புகளின் உள்ளடக்கம் தொடர்பாக இந்த வழக்கு மிக முக்கியமான வழக்கு ஆகும். இருவரும் குற்றத்தை மறுத்தனர்.

பாதுகாப்பு வழக்கறிஞர் க்சேனியா கார்பின்ஸ்காயா தீர்ப்பு மற்றும் தண்டனையை மேல்முறையீடு செய்வதாக உறுதியளித்தார்.

“நிச்சயமாக, இந்த தீர்ப்பை நாங்கள் மேல்முறையீடு செய்வோம், எங்களுக்கு நம்பிக்கை இல்லை,” என்று அவர் சமூக ஊடகங்களில் வெளியிடப்பட்ட வீடியோ கிளிப்பில் நீதிமன்றத்திற்கு வெளியே ஆதரவாளர்களிடம் தெரிவித்தார்.

மே மாத இறுதியில் தங்கள் விசாரணையின் தொடக்கத்தில், பெர்கோவிச் மற்றும் பெட்ரிச்சுக் ஆகியோர் பயங்கரவாதத்தை ஆதரிப்பதற்குப் பதிலாக அதை எதிர்ப்பதால் நாடகத்தை அரங்கேற்றியதாகக் தெரிவித்தனர்.

தொடர்புடைய செய்திகள்:

டோரி கட்சியில் இருந்து இங்கிலாந்து எம்.பி இடைநீக்கம் ஈஸ்டர் தேவாலய சேவையில் பங்கேற்ற பிரிட்டன் மன்னர் பிரதமர் விக்டர் ஓர்பனுக்கு எதிராக ஹங்கேரியர்கள் ஆர்ப்பாட்டம் ஸ்காட்லாந்தின் புதிய முதல் அமைச்சராக ஜான் ஸ்வின்னி தெரிவு ஷகிராவின் வரி மோசடி வழக்கை கைவிட்ட ஸ்பெயின் நீதிமன்றம் சர்வதேசத்தின் கவனத்தைப் பெற்ற புட்டினின் வடகொரிய பயணம்