மலாவி துணை அதிபர் மரணம்: 21 நாள்களுக்கு துக்க தினம் அறிவிப்பு

தென் மத்திய ஆப்பிரிக்க நாடான மலாவியின் துணை அதிபர் சாவ்லோஸ் சிலிமா விமான விபத்தில் உயிரிழந்ததற்காக அந்த நாட்டில் 21 நாள்கள் தேசிய துக்க தினம் அறிவிக்கப்பட்டுள்ளது.

இது குறித்து அரசு வெளியிட்டுள்ள அறிக்கையில், சாவ்லோஸ் சிலிமா மற்றும் அவருடன் விமான விபத்தில் உயிரிழந்த 8 பேரின் இறுதிச் சடங்கு நிகழ்வுகளை கவனித்துக் கொள்வதற்காக அமைச்சரவைக் குழு அமைக்கப்பட்டுள்ளதாகத் தெரிவிக்கப்பட்டுள்ளது.

மலாவி நாட்டின் வடக்கு பகுதியில் உள்ள மலைப்பகுதியில் மோசமான வானிலை காரணமாக சிறிய ராணுவ விமானம் விபத்துக்குள்ளானதில் துணை அதிபர் சவுலோஸ் சிலிமா மற்றும் 9 பேர் உயிரிழந்தனர்.

மலை அருகே விமானத்தின் சிதைவுகள் கண்டெடுக்கப்பட்டதாகவும், விமானம் முற்றிலும் சேதமடைந்ததாகவும், விமானத்தில் இருந்த அனைவரும் மோதியதில் உயிரிழந்ததாகவும் அறிவிக்கப்பட்டது

மலாவியில் அடுத்த ஆண்டு ஜனாதிபதித் தேர்தல் நடைபெற உள்ளது. இந்தத் தேர்தலில் முக்கிய வேட்பாளராக போட்டியிடுவார் என கருதப்படும் சிலிமா, ஊழல் குற்றச்சாட்டுகள் தொடர்பாக 2022 ஆம் ஆண்டு கைது செய்யப்பட்டிருந்தார்.

எவ்வாறாயினும், கடந்த மாதம் அவர் மீதான குற்றச்சாட்டுகளை மலாவி நீதிமன்றம் கைவிட்டுவிட்டது. இந்தப் பின்புலத்திலேயே விபத்தில் அவர் உயிரிழந்துள்ளார்

தொடர்புடைய செய்திகள்:

ஸ்வீடனின் மே மாத பணவீக்கத்திற்கு காரணமான பியோனஸ் கச்சேரிகள் காதலர் தினத்திற்கு எதிர்ப்பு தெரிவித்து காரைக்குடி இந்து முன்னணியினரின் செயல் அமைச்சர் டிரனுக்கு எதிராக சட்டத்தரணிகள் சங்கம் ஜனாதிபதியிடம் கோரிக்கை உடனடி மனிதாபிமான போர் நிறுத்தத்திற்கான அழைப்பை புதுப்பித்த ஐ.நா