இஸ்ரேல் மீதான தாக்குதலில் ஈரானின் அதிகாரம் வெளிப்பட்டது – கமேனி!

இஸ்ரேல் மீதான தாக்குதலில் ஈரானின் அதிகாரம் வெளிப்பட்டது என்று ஈரானின் உச்ச தலைவர் கமேனி கூறியுள்ளார்.

ஈரானின் அதிகாரபூர்வ செய்தி நிறுவனம், ஏப்ரல் 13 அன்று இஸ்ரேலுக்கு எதிராக அந்நாட்டின் ஆயுதப் படைகள் நடத்திய நடவடிக்கைக்கு நன்றி தெரிவித்ததாகத் கூறியுள்ளது.

“இராணுவ கண்டுபிடிப்புகளை இடைவிடாமல் தொடரவும், எதிரியின் தந்திரோபாயங்களைக் கற்றுக்கொள்ளவும்” அவர் இராணுவத்திற்கு அழைப்பு விடுத்ததாக நிறுவனம் மேலும் கூறுகிறது.

இஸ்ரேல் மீதான தாக்குதலில் எத்தனை ஏவுகணைகள் ஏவப்பட்டன அல்லது அவற்றின் இலக்கைத் தாக்கின என்ற முக்கியத்துவத்தையும் அவர் குறைத்து காட்டினார்.

ஈரானால் ஏவப்பட்ட ஏவுகணைகளில் பெரும்பாலானவை அமெரிக்கா மற்றும் இங்கிலாந்தின் உதவியுடன் இஸ்ரேலிய வான் பாதுகாப்பு அமைப்புகளால் தடுத்து நிறுத்தப்பட்டன.