கனடாவின் பிராம்ப்டனில் உள்ள Chinguacousy பூங்காவில் தமிழ் இனப்படுகொலை நினைவுச்சின்னம் என்று அழைக்கப்படுவதற்கு ஆகஸ்ட் 14 ஆம் திகதி அடிக்கல் நாட்டப்படுவதற்கு முறைப்படி எதிர்ப்பு தெரிவிக்கும் வகையில் இலங்கையின் வெளியுறவு அமைச்சர் அலி சப்ரி நேற்று கனேடிய உயர் ஸ்தானிகரை சந்தித்துள்ளார். சந்திப்பின் போது, ​​அமைச்சர் சப்ரி, நினைவுச்சின்னம் தொடர்பில் இலங்கையின் கடுமையான ஆட்சேபனைகளை வெளிப்படுத்தினார். கனேடிய அதிகாரிகளுக்கு முன்னர் தெரிவிக்கப்பட்ட கவலைகளை மீண்டும் வலியுறுத்தினார். கனடாவிற்குள் அரசியல் ஆதாயத்துக்காக தொடர்ந்து நடத்தப்படும் இனப்படுகொலையின் “தவறான கதை” […]

எதிர்வரும் ஜனாதிபதித் தேர்தலில் நாமல் ராஜபக்ச வெற்றி பெற்றதன் பின்னர் நாடாளுமன்ற உறுப்பினர்  ஜோன்ஸ்டன் பெர்னாண்டோ பிரதமராக நியமிக்கப்படுவார் என தெரிவிக்கப்பட்டுள்ளது. ரஷ்யாவுக்கான முன்னாள் இலங்கைத் தூதுவர் உதயங்க வீரதுங்க இதனை தெரிவித்துள்ளார். நாமல் ராஜபக்சவின் ஜனாதிபதி தேர்தல் பிரசாரம் எதிர்வரும் 21ஆம் திகதி ஆரம்பிக்கப்படவுள்ளது. ஒரு வாரத்திற்குள் பிரச்சாரம் வெற்றிகரமாக முன்னெடுக்கப்படும் என அவர் தெரிவித்துள்ளார். இந்த ஜனாதிபதித் தேர்தலில் நாமல் ராஜபக்சவுக்கு, சஜித் பிரேமதாசவுடன் மட்டுமே போட்டி இருப்பதாக அவர் கூறுகிறார்

மாத்தறை மாவட்ட ஸ்ரீலங்கா பொதுஜன பெரமுன பாராளுமன்ற உறுப்பினர் கருணாதாச கொடித்துவக்கு  ஐக்கிய மக்கள் சக்தியுடன் இணைந்துள்ளார். எதிர்வரும் ஜனாதிபதித் தேர்தலில் எதிர்க்கட்சித் தலைவர் சஜித் பிரேமதாசவை வெற்றிபெறச் செய்யுமாறு அவர் கோரிக்கை விடுத்துள்ளார். அக்குரஸ்ஸில் நடைபெற்ற ஐக்கிய மக்கள் சக்தியின்  பேரணியில் அவர் இன்று கலந்துகொண்டார்.

யாழ்ப்பாணம் வலி வடக்கு நகுலேஸ்வரம் கிராம அலுவலர் பிரிவில் அமைந்துள்ள ஆலயத்திற்கு சுமார் 34 வருடங்களுக்கு பின்னர் மக்கள் சென்று வழிபட இராணுவத்தினர் அனுமதி வழங்கியுள்ளனர். உயர் பாதுகாப்பு வலயத்தினுள், அமைந்துள்ள ஶ்ரீமத் நாராயன சுவாமி ஆலயத்திற்கு செல்லவே இன்றைய தினம் வெள்ளிக்கிழமை அனுமதி வழங்கப்பட்டுள்ளது. இன்றைய தினம் வெள்ளிக்கிழமை முதல் ஒவ்வொரு வெள்ளிக்கிழமையும் இவ் ஆலயத்திற்கு சென்று வழிபாடுகளை மேற்கொள்ள அனுமதி வழங்கப்பட்டுள்ளது. ஆலயத்திற்கு செல்ல அனுமதி வழங்கப்பட்டதை அடுத்து, அப்பகுதியில் வசித்த மக்கள் இன்றைய […]

யாழ்ப்பாணத்தில் சகோதரனுடன் மோட்டார் சைக்கிளில் சென்ற யுவதி விபத்து சிக்கி சிகிச்சை பலனின்றி உயிரிழந்துள்ளார். பண்டத்தரிப்பு பகுதியை சேர்ந்த நேசராசா பானுசா என்ற யுவதியே உயிரிழந்துள்ளார். கடந்த 11ஆம் திகதி பொன்னாலையில் உள்ள ஆலயம் ஒன்றிற்கு சென்று விட்டு , சகோதரனுடன் மோட்டார் சைக்கிளில் வீடு திரும்பிக்கொண்டிருந்த வேளை , மோட்டார் சைக்கிளில் இருந்து தவறி விழுந்துள்ளார். அதில் காயமடைந்தவரை சங்கானை வைத்தியசாலையில் அனுமதித்த நிலையில் , மேலதிக சிகிச்சைக்காக தெல்லிப்பளை ஆதார வைத்தியசாலைக்கு மாற்றப்பட்ட நிலையில் […]