காசாவில் உடனடியாக போர்நிறுத்தம் அறிவிக்க இஸ்ரேலை வலியுறுத்த நடவடிக்கை எடுக்கப்பட்டுள்ளது. ஐநா.பாதுகாப்பு கவுன்சில் இது தொடர்பில் தீர்மானம் நிறைவேற்றியுள்ளது. ஹமாஸ் தீவிரவாதிகளால் சிறைப்பிடிக்கப்பட்டுள்ள அனைத்து பிணைக்கைதிகளையும் எந்தவித நிபந்தனையுமின்றி விடுவிக்க வேண்டும் என்றும் அந்தத் தீர்மானத்தில் வலியுறுத்தப்பட்டுள்ளது. இது குறித்து எக்ஸ் பதிவில் குறிப்பிட்டுள்ள ஐநா.பொதுச்செயலாளர் அந்தோனியோ குட்டரஸ், தீர்மானத்தை உடனடியாக அமல்படுத்தத் தவறினால் மன்னிக்க முடியாத குற்றமாகும் எனத் தெரிவித்துள்ளார்.

மில்லியன் கணக்கான பிரித்தானிய வாக்காளர்களின் தனிப்பட்ட தகவல்களை சீனா அணுகியதாக குற்றம் சாட்டப்பட்டுள்ளது. இது பிரித்தானியாவின் ஜனநாயக செயற்பாட்டில் பெரும் தாக்கத்தை ஏற்படுத்துவதாக வெளிநாட்டு ஊடகங்கள் தெரிவிக்கின்றன. வாக்காளர் பட்டியல் நகல்களை சீனா அணுகியதாக கூறப்படுகிறது. சைபர் தாக்குதலின் போது, ​​2014 மற்றும் 2022 க்கு இடையில் பிரித்தானியாவில் வாக்களிக்க பதிவு செய்தவர்களின் பெயர்கள் மற்றும் முகவரிகள் மற்றும் வெளிநாட்டு வாக்காளர்களின் பெயர்கள் அடங்கிய கோப்புகள் இருந்ததாக வெளிநாட்டு ஊடகங்கள் செய்தி வெளியிட்டுள்ளன. எனினும், இந்த சைபர் […]