ஈரான் ஆதரவுடைய ஹந்தாலா (Handala) என்ற ஹேக்கர் குழு, அமெரிக்க FBI தலைவர் காஷ் படேலின் தனிப்பட்ட மின்னஞ்சலை ஊடுருவித் தகவல்களைத் திருடியுள்ளது. இந்தத் தரவுகள் அனைத்தும் பழையவை என்றும், இதில் அரசாங்க ரகசியங்கள் எதுவும் இல்லை என்றும் FBI செய்தித் தொடர்பாளர் தெளிவுபடுத்தியுள்ளார். அத்துடன், , லாக்ஹீட் மார்ட்டின் (Lockheed Martin) நிறுவன ஊழியர்களின் தனிப்பட்ட விபரங்களையும் தாங்கள் திரட்டிவிட்டுள்ளதாக Handala ஹேக்கர் குழு உரிமை கோரியுள்ளது. தங்களை பாலஸ்தீன ஆதரவாளர்களாக அடையாளப்படுத்திக்கொள்ளும் இந்தக் குழு, […]

ஈரானுக்கு எதிரான அமெரிக்காவின் இராணுவ நடவடிக்கைகள் பெரும் வெற்றியை ஈட்டி வருகின்றது என ஜனாதிபதி டொனால்ட் ட்ரம்ப் தெரிவித்தார். Miami இல் நடைபெற்ற முதலீட்டாளர் மாநாட்டில் உரையாற்றுகையிலேயே அவர் இவ்வாறு கூறினார். பொருளாதாரத் தடைகளால் ஈரான் ஏற்கனவே நிலைகுலைந்து போயுள்ள நிலையில் தற்போது அமைதி உடன்படிக்கைக்காகக் காத்திருப்பதாகவும் அவர் தெரிவித்தார். மத்திய கிழக்கு போரில் சவூதி அரேபியா வழங்கிய வலுவான ஆதரவைப் பாராட்டிய ட்ரம்ப், நேட்டோ நாடுகளின் பங்களிப்பு திருப்திகரமாக இல்லை என்று தனது அதிருப்தியை வெளிப்படுத்தினார்.

ஈரான்மீதான போர் நடவடிக்கை காரணமாக டொனால்ட் ட்ரம்புக்கு donald trump அமெரிக்காவில் செல்வாக்கு சரிய ஆரம்பித்துள்ள நிலையில், அவருக்கு எதிராக போராட்டங்களும் திட்டமிடப்பட்டுள்ளன. “நோ கிங்ஸ்” (No Kings) என்ற மக்கள் இயக்கத்தின் ஏற்பாட்டில் இன்று சனிக்கிழமை பாரிய போராட்டங்கள் ஏற்பாடு செய்யப்பட்டுள்ளன. அமெரிக்கா முழுவதும் சுமார் 3,000 இடங்களில் நடைபெறவுள்ள இப்போராட்டங்களில் பல லட்சம் மக்கள் பங்கேற்பார்கள் என எதிர்பார்க்கப்படுகிறது. டிரம்பின் குடியேற்றக் கொள்கைகள் மற்றும் ஈரான் மீதான போர் நடவடிக்கைகளுக்கு எதிர்ப்பு தெரிவித்தே போராட்டங்கள் […]

மத்திய கிழக்கில் ஏற்பட்டுள்ள போர்ச்சூழல் இன்று 28 ஆவது நாளாக தொடர்ந்தது. உயிரிழப்புகள், உடமை இழப்புகள், கட்டிடங்கள் சேதம் என பாரிய அனர்த்தங்கள் ஏற்பட்டுள்ளன. அமெரிக்கா மற்றும் இஸ்ரேல் படையினர் நடத்திய தாக்குதல்களில் கடந்த பெப்ரவரி 28 ஆம் திகதி முதல் இதுவரையில் ஈரானில் 1,937 பேர் பலியாகியுள்ளனர். 24,800 பேர் காயமடைந்துள்ளனர். ஈரான் நடத்திய தாக்குதலில் இஸ்ரேலில் 19 பேர் பலியாகியுள்ளனர். 5,492 பேர் காயமடைந்துள்ளனர். ஏனைய நாடுகளில் ஏற்பட்ட உயிரிழப்பு மற்றும் காயமடைந்தோர் எண்ணிக்கை […]

உக்ரைன் மீதான தனது ஆக்கிரமிப்பு தொடர்பில் சர்வதேச சமூகத்தின் கவனத்தைத் திசைதிருப்ப ரஷ்யா முயல்வதாகக் ஜேர்மன் குற்றஞ்சாட்டியுள்ளது. பிரான்ஸில் நடைபெறும் G7 மாநாட்டில் உரையாற்றுகையிலேயே ஜேர்மன் வெளிவிவகார அமைச்சர் Johann Wadephul இந்த குற்றச்சாட்டை முன்வைத்துள்ளார். அத்துடன், ஈரானின் இராணுவத் தாக்குதல்களுக்குத் தேவையான இலக்குகளை அடையாளம் காண புடின் உதவி செய்துவருகின்றார் எனவும் அவர் சுட்டிக்காட்டியுள்ளார். மத்திய கிழக்கில் நிலவும் பதற்றத்தைப் பயன்படுத்தி ரஷ்யா தனது குற்றங்களை மறைக்க முயற்சிக்கின்றது. மத்திய கிழக்கில் அமைதியை நிலைநாட்ட ஜேர்மன் […]

மத்திய கிழக்கின் போர்ச்சூழல் மேலும் மோசமடையக்கூடும் என்று போலந்து பிரதமர் டொனால்ட் டஸ்க் Donald Tusk எச்சரிக்கை விடுத்துள்ளார். தனது நட்பு நாடுகளிடமிருந்து கிடைத்த ரகசியத் தகவல்களின் அடிப்படையில், இப்பகுதியில் வரும் நாட்களில் அமைதி திரும்புவது கடினம் என்று அவர் குறிப்பிட்டுள்ளார். வன்முறைப் போக்கு அதிகரிப்பதற்கான வாய்ப்புகள் இருப்பதைச் சுட்டிக்காட்டிய அவர், வரப்போகும் மாற்றங்கள் குறித்து கவலை தெரிவித்துள்ளார். எனினும், இந்தச் சாத்தியமான மோதல்கள் குறித்த கூடுதல் விவரங்களை அவர் வெளியிடவில்லை.