கனடாவில் மாரடைப்பால் உயிரிழந்த இந்திய மாணவர்

ஷேக் முஸம்மில் அகமது என்ற இந்திய மாணவர் கனடாவில் மாரடைப்பால் மரணமடைந்ததை அடுத்து, மாணவரின் உடலை ஹைதராபாத்துக்கு அனுப்ப ஏற்பாடு செய்யுமாறு அவரது குடும்பத்தினர் வெளியுறவுத் துறை அமைச்சர் ஜெய்சங்கரிடம் கோரிக்கை விடுத்துள்ளனர்.

ஹைதராபாத்தை சேர்ந்த 25 வயதான அகமது ஒன்டாரியோவில் உள்ள கிச்சனர் சிட்டியில் உள்ள வாட்டர்லூ வளாகத்தில் உள்ள கோனெஸ்டோகா கல்லூரியில் முதுகலை ஐடி படித்து வந்தார்.

தெலுங்கானாவைச் சேர்ந்த மஜ்லிஸ் பச்சாவ் தெஹ்ரீக் (MBT) என்ற அரசியல் கட்சியின் தலைவரான அம்ஜத் உல்லா கான், இந்த சம்பவம் குறித்து சமூக ஊடகங்களில் தெரிவித்தார்.

கடந்த வாரத்தில் இருந்து அகமது காய்ச்சலால் அவதிப்பட்டு வருவதாகவும், ஆனால் மாரடைப்பு காரணமாக அவர் இறந்துவிட்டதாக அகமதுவின் நண்பரிடமிருந்து அவரது குடும்பத்தினருக்கு அழைப்பு வந்ததாகவும் MBT தலைவர் கூறினார்.