இலங்கையில் பாடசாலை சுவரொன்று இடிந்து விழுந்ததில் மாணவர் ஒருவர் உயிரிழப்பு!
வெல்லம்பிட்டியவில் பாடசாலை ஒன்றில் சுவர் இடிந்து விழுந்ததில் மாணவர் ஒருவர் உயிரிழந்துள்ளதுடன் மேலும் 6 மாணவர்கள் காயமடைந்துள்ளனர்.
வெல்லம்பிட்டிய, வேரகொடெல்ல கனிஷ்ட கல்லூரி மாணவர்கள் குழுவொன்று விபத்தில் சிக்கியுள்ளதாக பொலிஸார் தெரிவித்தனர்.
அந்த பாடசாலையில் தரம் 01 இல் கல்வி கற்கும் மாணவர்களே இவ்வாறு விபத்தில் சிக்கியுள்ளனர்.
விபத்தில் காயமடைந்த 6 மாணவர்கள் கொழும்பு தேசிய வைத்தியசாலையிலும் ஒரு மாணவர் லேடி ரிட்ஜ்வே சிறுவர் வைத்தியசாலையிலும் அனுமதிக்கப்பட்டுள்ளார்.
தேசிய வைத்தியசாலையில் அனுமதிக்கப்பட்ட 06 மாணவர்களில் ஒரு மாணவர் உயிரிழந்துள்ளதுடன் மற்றுமொரு மாணவனின் நிலைமை கவலைக்கிடமாக உள்ளதாக வைத்தியசாலை வட்டாரங்கள் தெரிவிக்கின்றன.
(Visited 10 times, 1 visits today)
