எங்கள் குடும்பத்தின் மீது சனல் 4விற்கு கடும் கோபம் இருக்கின்றது!!! நாமல் எம்.பி

2009 ஆம் ஆண்டு யுத்தம் முடிவடைந்த காலத்திலிருந்து சனல் 4 ராஜபக்ஷக்களுடன் வரலாற்றுப் போட்டியைக் கொண்டுள்ளது என பாராளுமன்ற உறுப்பினர் நாமல் ராஜபக்ஷ தெரிவித்துள்ளார்.

ஈஸ்டர் ஞாயிறு தாக்குதல் தொடர்பான சனல் 4 வெளியிட்ட காணொளி நம்பகத்தன்மை இருந்தால் ஏன் அதனை தமது இணையத்தளத்திலிருந்து நீக்கியது என பாராளுமன்ற உறுப்பினர் கேள்வி எழுப்பினார்.

பாராளுமன்றில் இன்று பேசிய அவர் இவ்வாறு குறிப்பிட்டுள்ளார்.

சனல் 4 இன் சமீபத்திய காணொளி, பயங்கரவாதிகளை ஒழிப்பதற்காக ராஜபக்சக்களை பழிவாங்கும் மற்றொரு முயற்சியாக இருக்கலாம் அல்லது ஒருவரின் அரசியல் நோக்கத்தை நிறைவேற்றும் முயற்சியாக இருக்கலாம் என்றும் அவர் கூறினார்.

2009ஆம் ஆண்டு போரை முடிவுக்கு கொண்டுவந்த பின்னர், சனல் 4 ஆனது எனது குடும்பம், எனது தந்தை மற்றும் ராஜபக்சவின் பெயர் மீது வரலாற்று ரீதியாக வெறுப்பைக் கொண்டுள்ளது.

அதன் பின்னர் ராஜபக்சேவுக்கு எதிராக வீடியோக்கள் வெளியாகி வருகின்றன. “நான் சனல் 4 ஐ ஊடக நிறுவனமாக பார்க்கவில்லை, வீடியோ தயாரிப்பு நிறுவனமாக பார்க்கிறேன்” என அவர் மேலும் தெரிவித்துள்ளார்.