Online மூலம் கடவுச்சீட்டுக்களை பெற்றுக்கொள்ள விண்ணப்பித்தவர்களின் எண்ணிக்கை அதிகரிப்பு!

கடந்த மாதத்தில் 29,578 பேர் இணையவழியில் கடவுச்சீட்டுக்களை பெற்றுக்கொள்ள விண்ணப்பித்துள்ளதாக பொது பாதுகாப்பு அமைச்சர் திரான் அலஸ் தெரிவித்துள்ளார்.

இதில் ஒரு நாள் சேவைக்கு 5294 பேரும், பொது சேவைக்கு 24,285 பேரும் விண்ணப்பித்துள்ளதாகவும் தெரிவிக்கப்பட்டுள்ளது.

வெளிநாட்டு கடவுச்சீட்டுகளை பிராந்திய செயலகங்கள் இணைய முறையின் மூலம் வழங்கும் திட்டம் ஜூன் 15, 2023 அன்று ஆரம்பிக்கப்பட்டது.

அன்றைய தினம் முதல் 30 நாட்களுக்குள் 29,579 விண்ணப்பங்கள் குடிவரவு குடியகல்வு திணைக்களத்திற்கு கிடைத்துள்ளதாக அமைச்சர் திரான் அலஸ் தெரிவித்துள்ளார்.

விண்ணப்பதாரரின் பெயரைப் பதிவு செய்வதற்கு, நியமிக்கப்பட்டுள்ள 51 பிராந்திய செயலக அலுவலகங்களில் ஏதேனும் ஒன்றைப் பார்வையிடுவது அவசியம் என சுட்டிக்காட்டிய அமைச்சர், உரிய கொடுப்பனவுகளை இணையம் மூலமாகவோ அல்லது இலங்கை வங்கியின் கிளைக்கு சென்று செலுத்த முடியும் எனவும் தெரிவித்தார்.

தொடர்புடைய செய்திகள்:

இத்தாலி நாட்டவர்கள் இருவர் இலங்கையில் கைது – விசாரணையில் வெளிவந்த தகவல் நேரலை பாலியல் காட்சிகளில் தோன்றும் இலங்கையர்கள் – வெளியான அதிர்ச்சி தகவல் கசினோவிற்கு அதிக வரி வசூலிக்கும் நாடாக மாறிய இலங்கை! சஜித் ஜனாதிபதியானால் ஒரு வருடத்திலி ஓடிவிடுவார் – சரத் பொன்சேகா உங்களுடன் பணியாற்ற விரும்புகிறேன் – ஜனாதிபதி அநுரவிற்கு பைடன் வாழ்த்து