17 வயது மாணவருடன் தாகாத உறவு… ஆசிரியருக்கு 58 நாட்கள் சிறை

அமெரிக்காவில் ஆசிரியை ஒருவர் மாணவருடன் பாலியல் உறவில் ஈடுபட்டதை ஒப்புக்கொண்டதால் சிறை தண்டனை விதிக்கப்பட்டது.

ஓக்லாவின் வெஸ்ட்வில்லியைச் சேர்ந்தவர் லியா குயின் (44). இவர் கடந்த 2022ஆம் ஆண்டு செப்டம்பர் மாதம் கைது செய்யப்பட்டார்.ஜென்டரி இடைநிலைப் பள்ளியில் உடற்கல்வி ஆசிரியராக பணியாற்றிய இவர் மீது பாலியல் குற்றம்சாட்டப்பட்டது.

2010ஆம் ஆண்டில் 17 வயது உயர்நிலைப் பள்ளி மாணவருடன் லியா குயின் பாலியல் தொடர்பு வைத்திருந்ததாக பாதிக்கப்பட்ட மாணவரே புகார் கூறியிருந்தார்.மேலும், குயினின் முன்னாள் கணவர் மற்றும் மாணவரின் பெற்றோர், முன்னாள் பள்ளி ஆசிரியர் என பலரும் மாணவரின் விவரங்களை உறுதிப்படுத்தினர்.

இந்த நிலையில் பென்டன் கவுண்டி சிறையில் 58 நாட்கள் தண்டனை அனுபவிக்க வேண்டும் என நீதிபதி தீர்ப்பு அளித்துள்ளார்.இதற்கிடையில், மீண்டும் ஒருபோதும் ஆசிரியராக பணி அமர்த்தப்படப்போவதில்லை என்பதை லியா குயின் ஒப்புக்கொண்டார்.