பல இளம் பெண்களை ஏமாற்றி பணம் பறித்த நபர் கைது!
பல இளம் பெண்களை ஏமாற்றி நிர்வாண புகைப்படங்களை பெற்று அவர்களை மிரட்டி பணம் பறித்து வந்த நபர் ஒருவர் கைது செய்யப்பட்டுள்ளார்.
பொலிஸ் சிறுவர் மற்றும் பெண்கள் துஷ்பிரயோகத் தடுப்புப் பிரிவின் அதிகாரிகள் மேற்கொண்ட விசாரணையின் பின்னர் குறித்த நபர் கைது செய்யப்பட்டுள்ளார்.
முகநூல் ஊடாக இளம் பெண்களுடன் காதல் உறவை ஏற்படுத்திக்கொண்ட குறித்த நபர் பின்னர் அவர்களை ஹோட்டல் அறைகளுக்கு வரவழைத்து நிர்வாண புகைப்படங்கள் மற்றும் வீடியோக்களை எடுத்துள்ளார்.
பின்னர் அவற்றை காண்பித்து இளம் பெண்களை மிரட்டி பணம்பறித்து வந்துள்ளார். அவ்வாறாக அவிசாவளையைச் சேர்ந்த பெண்ணுடனும் பழகி இரண்டு இலட்சம் ரூபாய் கேட்டு மிரட்டியுள்ளார்.
இது தொடர்பாக குறித்த யுவதி சிறுவர் மற்றும் பெண்கள் துஷ்பிரயோகத் தடுப்புப் பிரிவில் அந்த யுவதி முறைப்பாடு செய்துள்ளாா்.
இதனையடுத்தே சந்தேக நபர் கைது செய்யப்பட்டுள்ளார். தொடர்ந்து அவரிடம் சிறுவர் மற்றும் பெண்கள் துஷ்பிரயோகத் தடுப்புப் பிரிவினர் விசாரணைகளை மேற்கொண்டு வருவதாக அறிவிக்கப்பட்டுள்ளது.
