ஆஷஸ் தொடர் – இரண்டாவது டெஸ்ட் போட்டியிலும் ஆஸ்திரேலிய அணி வெற்றி

ஆஸ்திரேலியா மற்றும் இங்கிலாந்து அணிகள் மோதும் பிரபல ஆஷஸ்(Ashes) தொடர் ஆஸ்திரேலியாவில் நடைபெற்று வருகிறது.

அந்தவகையில், 5 போட்டிகள் கொண்ட டெஸ்ட் தொடரின் இரண்டாவது போட்டி பிரிஸ்பேனில்(Brisbane) உள்ள கப்பா(Gabba) மைதானத்தில் ஆரம்பமானது.

அந்தவகையில், பகல் இரவு(Day&Night) போட்டியாக ஆரம்பான போட்டியின் நாணய சுழற்சியை இங்கிலாந்து அணி வென்று முதலில் துடுப்பெடுத்தாட தீர்மானம் செய்தது.

இந்நிலையில், முதல் இன்னிங்ஸில் இங்கிலாந்து அணி 76.2 ஓவர்களுக்கு சகல விக்கெட்களை இழந்து 334 ஓட்டங்களை பெற்றது.

இங்கிலாந்து அணி சார்பில் ஜோ ரூட்(Joe Root) 138 ஓட்டங்கள் பெற்றார்.

அதனை தொடர்ந்து, தனது முதல் இன்னிங்ஸை ஆரம்பித்த ஆஸ்திரேலிய அணி 117.3 ஓவர்கள் முடிவில் சகல விக்கெட்களையும் இழந்து 511 ஓட்டங்கள் பெற்றது.

மார்னஸ் லபுஷேன்(Marnus Labuschagne) 65 ஓட்டங்களும் ஸ்டீவ் ஸ்மித்(Steve Smith) 61 ஓட்டங்களும் பெற்றனர்.

அதனை தொடர்ந்து, இரண்டாவது இன்னிங்ஸில் இங்கிலாந்து அணி 75.2 ஓவர்களுக்கு சகல விக்கெட்களை இழந்து 241 ஓட்டங்கள் பெற்றது.

இங்கிலாந்து அணி சார்பில் ஜாக் கிராலி(Zak Crawley) 44 ஓட்டங்களும் பென் ஸ்டோக்ஸ்(Ben Stokes) 50 ஓட்டங்களும் குவித்தனர்.

இறுதியில், 68 ஓட்ட இலக்கை நோக்கி களமிறங்கிய ஆஸ்திரேலிய அணி 10 ஓவர்களில் 2 விக்கெட்களை இழந்து 69 ஓட்டங்கள் பெற்று வெற்றி பெற்றுள்ளது.

ஆஸ்திரேலிய அணி சார்பில் ஸ்டீவன் ஸ்மித்(Steven Smith) 23 ஓட்டங்களும் டிராவிஸ் ஹெட்(Travis Head) 22 ஓட்டங்களும் பெற்றனர்.

இந்நிலையில், இந்த ஆஷஸ் தொடரின் முதல் இரண்டு போட்டிகளையும் ஆஸ்திரேலிய அணி வெற்றி பெற்றுள்ளது குறிப்பிடத்தக்கது.