INDvsWI Test – முதல் நாள் முடிவில் 121 ஓட்டங்கள் குவித்த இந்திய அணி

பிரபல வெஸ்ட் இண்டீஸ் கிரிக்கெட் அணி இந்தியாவில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் விளையாடி வருகிறது.

இதன்படி இன்று ஆரம்பமான முதலாவது டெஸ்ட் போட்டி அகமதாபாத்தில் உள்ள நரேந்திர மோடி மைதானத்தில் தொடங்கியது. இப்போட்டியில் டாஸ் வென்ற வெஸ்ட் இண்டீஸ் அணி முதலில் துடுப்பெடுத்தாட தீர்மானித்தது.

அதன்படி முதலில் களமிறங்கிய வெஸ்ட் இண்டீஸ் அணி இந்திய அணியின் பந்துவீச்சிற்கு திணறி 44.1 ஓவர்களில் 162 ஓட்டங்களுக்கு சகல விசிக்கெட்களையும் இழந்தது. அதிகபட்சமாக ஜஸ்டின் கிரீவ்ஸ் 32 ஓட்டங்கள் பெற்றுக்கொடுத்தார்.

இந்திய அணி தரப்பில் சிராஜ் 4 விக்கெட்டுகள் மற்றும் பும்ரா 3 விக்கெட்டுகள் வீழ்த்தினார்.

இதனையடுத்து களமிறங்கிய இந்திய அணி முதல் நாள் ஆட்டநேர முடிவில் 2 விக்கெட்டுகளை இழந்து 121 ஓட்டங்களை சேர்த்துள்ளது. ஜெய்ஸ்வால் 36 ஓட்டங்களும் சாய் சுதர்சன் 7 ஓட்டங்களும் அடித்து ஆட்டமிழந்தனர்.

சிறப்பாக விளையாடிய கே.எல்.ராகுல் 53 ஓட்டங்களும் கில் 18 ஓட்டங்களும் பெற்று களத்தில் உள்ளனர்.