இடைநீக்கம் செய்யப்பட்ட பிரதமரை பதவி விலக கோரி பாங்காக்கில் போராட்டம்
நீதிமன்றத்தால் இடைநீக்கம் செய்யப்பட்ட பிரதமர் பேடோங்டர்ன் ஷினவத்ரா பதவி விலகக் கோரியும், கம்போடியாவுடனான வன்முறை எல்லைப் பிரச்சினையில் கொல்லப்பட்டு 260,000 க்கும் மேற்பட்டோர் இடம்பெயர்ந்ததைத் தொடர்ந்து ஆயுதப் படைகளுக்கு ஆதரவாகவும் தாய்லாந்து தலைநகரில் போராட்டக்காரர்கள் பேரணி நடத்தினர்.
உயர்ந்து வரும் வெப்பநிலையை பொருட்படுத்தாமல், பாங்காக்கின் வெற்றி நினைவுச்சின்னத்தில் கூடிய பலர், தேசபக்தி பாடல்களைப் பாடி, பேடோங்டர்னையும் அவரது தந்தையும் முன்னாள் பிரதமருமான தாக்சின் ஷினவத்ராவையும் கண்டித்தனர்.
மேலும் தென்கிழக்கு ஆசிய நாட்டில் எப்போதும் கணிசமான அதிகாரத்தைத் தக்க வைத்துக் கொண்ட நாட்டின் இராணுவத்திற்கு ஆதரவாக குரல் கொடுத்தனர்.
கடந்த சில மாதங்களுக்கு முன் பிரதமர் பேடோங்டர்ன் ஷினவத்ரா கம்போடியாவின் முன்னாள் தலைவர் ஹுன் சென்னிடம் பேசிய தொலைபேசி உரையாடல் ஒன்று சமூக ஊடகத்தில் கசிந்தது.
அந்த உரையாடலில் பேடோங்டர்ன் ஷினவத்ரா சென்னை ‘அங்கிள்’ என்று அழைத்தார். மேலும் தாய்லாந்தின் வடகிழக்குப் பகுதியில் உள்ள ராணுவத் தளபதியைத் தமது எதிரியென ஷினவாத் குறிப்பிட்டார். இந்த உரையாடல் சமூக ஊடகத்தில் கசிந்து பெரும் சர்ச்சையை ஏற்படுத்தியது. இதனால் பிரதமர் பேடோங்டர்ன் ஷினவத்ரா நீதிமன்றத்தால் இடைநீக்கம் செய்யப்பட்டார்.
(Visited 3 times, 1 visits today)
