அணுசக்தி செறிவூட்டல் தொடர்பாக ஈரானை மீண்டும் அச்சுறுத்தும் டிரம்ப்

ஈரானின் மூன்று அணுசக்தி நிலையங்கள் மீது இராணுவத் தாக்குதல்களை நடத்திய சில வாரங்களுக்குப் பிறகு, அமெரிக்க ஜனாதிபதி டொனால்ட் டிரம்ப் ஈரானுக்கு எதிரான அச்சுறுத்தல்களை மீண்டும் அதிகரித்துள்ளார்.

பொதுமக்கள் நோக்கங்களுக்காக அணுசக்தி செறிவூட்டலைத் தொடரும் என்ற தெஹ்ரானின் நிலைப்பாட்டிற்கு பதிலளிக்கும் விதமாக இந்த அச்சுறுத்தல் அமைந்துள்ளது.

இந்த ஆண்டு ஜூன் மாதம் இஸ்ரேல் தெஹ்ரானுக்கு எதிராக இராணுவத் தாக்குதலைத் தொடங்கியபோது அணுசக்தி பேச்சுவார்த்தைகள் முறிந்தன.

ஸ்காட்லாந்தில் ஐக்கிய இராச்சியத்தின் பிரதமர் கெய்ர் ஸ்டார்மருக்கு அருகில் ஒரு செய்தியாளர் சந்திப்பின் போது பேசிய டிரம்ப், ஈரான் “மிகவும் மோசமான சமிக்ஞைகளை” அனுப்புகிறது என்று குறிப்பிட்டுள்ளார்.